رۆژنامهڤانهكا تورك: نهرماتییا توركیا همبهرى رێفراندۆمێ ژیرانهیه
WAAR-دهۆك:
رۆژنامهڤانهكا توركی یا سهر ب ئاكهپێ و نێزیكى سهرۆككۆمارێ توركیا راگههاند؛ توركیا ژیرانه سهرهدهریێ دكهت كو نهرماتى همبهرى رێفراندۆما سهرخوهبوونا كوردستانێ نیشان دایه، ژبهركو پێدڤییه توركیا بۆ خوه دۆستان ل دهڤهرێ چێكهت نه دوژمنان.
نیهال كاراجا، رۆژنامهڤانا نێزیك ئاكهپێ د بهرنامهكێ كهنالێ سى ئێن ئێن یا توركى دا، سوپاسییا توركیا كر كو نهرماتیێ همبهرى رێفراندۆما سهرخوهبوونا كوردستانێ نیشا داى.
نیهال ئاشكرا كر؛ نهرماتییا توركیا همبهرى رێفراندۆما سهرخوهبوونا كوردستانێ چهند ئهگهر ههنه، ئێك ژ وان ئهگهران ژى پێدڤییه توركیا بۆ خوه دۆستان ل دهڤهرێ زێده بكهت، مهسعوود بارزانى، سهرۆكێ ههرێمێ ژى دۆستهكێ نێزیكى توركیایه و نابیت بهێته دووركرن.
نیهال كاراجا راگههاند ژى؛ توركیا ژ ئێكهتییا ئهورۆپا دوور دكهڤیت، لێ بریتانیا ژى بریار دایه ژ ئێكهتییا ئهورۆپا دهربكهڤیت، لهورا پێدڤییه توركیا پهیوهندییێن خوهییێن ئابۆرى د گهل بریتانیا و كوردستانێ ژى باش بكهت، دا جهێ ئێكهتییا ئهورۆپا بۆ وێ بگرن.
تُتاح هذه الصورة أيضا في: کوردی