بنگەهێ لالش پەیام و هەلویستێ خۆ ب بەلێ بۆ ریفراندۆما سەربەخۆیا كوردستانێ تەكەز دكە
تۆرا لالش یا راگەهاندنێ/دهۆك
ب سەرپەرشتیا رێزدار “شێخ شامۆ” سەرۆكێ دەستەیا بلندا بنگەهێ لالش و ئەندامێ لژنا بالا یا ریفراندۆما سەربەخۆبوونا كوردستانێ،ئیرۆ شەمبوویێ8ئەیلولا 2017ێ،ل بارەگایێ بنگەهی جڤینەكا پشتگیریكرنێ ژبۆ ریفراندۆما سەربەخۆبوونا كوردستانێ ب رێڤە چوو.
ب ئامادەبوونا ژمارەكا كەسایەتیان و دەستەیێن رێڤەبەرێن هەموو تایی و نڤیسینگەهێن لالش ل سەرانسەری دەڤەرێن ئێزدیان و كادر و كارمەندێن بنگەهێ لالش،جڤینا پشتگیریكرنێ ژبۆ ریفراندۆما سەربەخۆبوونا كوردستانێ ب رێڤەچوو،ل بەراهیێ وەك رێزگرتن بۆ گیانێ جانگۆریێن كوردستانێ ئامادەبوویی خۆلەكەكێ سەكنین،پاش ناڤەندا هۆنەرمەندێن ئێزیدخانێ ل ئەورۆپا پارچەك ژ سرودا بۆ پشتەڤانیكرنا ریفراندۆما سەربەخۆیا كوردستانێ ئامادەكرین پێشكێشكرن.
ل پێرا ڤیدیۆ كلپیا ریفراندۆم یا ژلایێ دەستەیا بلندا بنگەهێ لالش ڤە هاتیە بەرهەمئینان هاتە پێشكێشكرن،پاش ستافێ كلیپێ ژلایێ مادی و مەعنەوی ڤە ژبال بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ لژنا بالا یا ریفراندۆما هەرێما كوردستانێ هاتە خەلات كرن و رێز لێ هاتە گرتن.
هەر بڤێ هەلكەفتێ شێخی پەیامەك راگەهاند و چەند رۆنكرن لسەر ڤێ قۆناغێ و گرنگیا وێ و هەلویستێ بنگەهێ لالش و چاوانیا كاركرن بۆ سەر خستنا ڤێ پرۆسێ رۆنكرن دانە كادر و جەماوەرێ بنگەهێ لالش.
ل دوڤ دا دەرگەهێ دانوستاندنێ دناڤبەرا شێخی و ئامادەبوویان دا هاتە ڤەكرن.
دبەرگەیەكا دی دابەرێز”حاكم نەمر”ئەندامێ لژنا بالا یا رەشنڤیسێ دستوورێ كوردستانێ چەند رۆنكرن دانە سەر پێشەرۆژا ئێزدیا و هشیاركرنا خەلكێ دڤێ قۆناغێ دا و تایبەت بۆ پاشەرۆژا دوور و درێژ بۆ ئێزدیان.
ژلایەكێ دیڤە هۆنەرمەندێ بەهرەمەند”حەمادی ئسماعیل”چەند پارچە ئاواز ژەنین.
ل داویێ هەموویان تەكەز لسەر پشتگیریا پرۆسا ریفراندۆما سەربەخۆیا هەرێما كوردستانێ كرن.
تُتاح هذه الصورة أيضا في: کوردی