حوسێن قائێدی: ئامادەكاری بۆ رزگاركرنا رەڤاندیێن ئێزدی ل حەویجە هاتینە كرن
باسنيوز:
رێڤەبەرێ نڤیسێنگەها رزگاركرنا رەڤاندیێن كوردێن ئێزدی دیاركركو تیرۆرستێن داعش گەلەك رەڤاندیێن ئێزدی بۆ حەویجە ڤەگوهاستینە، نۆكە دگەل نێزیكبوونا پلانا ئۆپەراسیۆنا حەویجە مە ژی حازریێن خوە كرینە بۆ رزگاركرنا وان رەڤاندیێن ئێزدی.
حوسێن قائێدی، رێڤەبەرێ نڤیسێنگەها رزگاركرنا رەڤاندیێن كوردێن ئێزدی بۆ (باسنیوز) دیاركر: “گەلەك جاران مە داخواز كریە دەمێ حكومەتا عێراقی پلانا رزگاركرنا دەڤەرێ ددانیت دگەلدا پلانا رزگاركرنا رەڤاندیێن ئێزدی ژی بهێتە دانان لێ جهێ مخابنی یە هەتا نۆكە حكومەتا عێراقی چوو پلانێن تایبەت نە داناینە بۆ رزگاركرنا رەڤاندیێن ئێزدی. نۆكە ژی ئەم داخواز دكەن دگەل ئۆپەراسیۆنا حەویجە پلانا رزگاركرنا رەڤاندیێن ئێزدی ژی بهێتە دانان”.
خویا ژی كر: “ئەم بەرهەڤین ب ریێن خوە تایبەت رەڤاندییان رزگاربكەن. ل حەویجە ژی مە حازریێن خوە كرینە بۆ رزگاركرنا رەڤاندییان. پشبینی دهێتە كرن گەلەك رەڤاندیێن ئێزدی ل حەویجە هەبن”.
تُتاح هذه الصورة أيضا في: کوردی