مەسروور بارزانی: پێدڤییە جیھان رێزێ ل داخوازا گەلێ کوردستانێ بگریت
WAAR-دهۆك:
شیرەتکارێ جڤاتا ئاساییشا ھەرێما کوردستانێ راگەھاند؛ پێدڤییە جیھان رێزێ ل داخوازا گەلێ کوردستانێ بگریت کو ب شێوەیەکێ دیموکراسییانە داخوازا خوە ب ھەموو جیھانێ گەھاند.
مەسروور بارزانی ئەڤرۆ پێشوازی ل گرۆپا پەرلەمانتارێن بریتانییا یێن ژبۆ چاڤدێرییا رێفراندۆما سەرخوەبوونێ ھاتین کوردستانێ کر، تێدا سەرۆکێ شاندا پەرلەمانتارێن بریتانی جاک لۆپرێستی دیارکر، کو پرۆسەیا رێفراندۆمێ گەلەک ب باشی ب رێڤەچوو دوپاتکر ئەو پشتەڤانیێ ل بۆچوونا خەلکی و مافێ چارەنڤیساز یێ گەلان دکەین.
ژ ئالیێ خوە ڤە مەسروور بارزانی بەحس ل پێنگاڤێن پشتی رێفراندۆمێ کر و داخواز ژ بریتانیا و ئەندامێن جڤاکا نێڤدەولەتی کر، کو رۆلێ خوە بگێرن و ئیراقێ پال بدەن دەست ب داستاندنان د گەل ھەرێما کوردستانێ دا بکەن، ھەروەسا خوە ژ رەفتار و کریارێن ئازراندنێ دووربێخیت، بۆ وێ یەکێ ب ئاشتییانە کێشە بھێن چارەکرن.
شیرەتکارێ جڤاتا ئاساییشا ھەرێمێ دوپات ژی کر، کو گەلێ کوردستانێ مافێ خوە یێ سروشتی بجھئینا و پێدڤییە جیھان رێزێ ل داخوازا وان بگریت کو ب شێوەیەکێ دیموکراسیانە گەھاند.
تُتاح هذه الصورة أيضا في: کوردی