بارزانی: ل سەر ئامادەییا خوە بۆ دانوستاندنان د گەل بەغدایێ دا بەردەوامین
WAAR-دهۆك:
سەرۆک بارزانی قەیرانا سیاسی یا د ناڤبەرا هەولێرێ و بەغدایێ دا ل گەل بالیۆزێ نوو یێ ئێکەتییا ئەورۆپایێ ل ئیراقێ گۆتوبێژ کر و راگەهاند: کوردستان بەردەوامە ل سەر ئامادەییا خوە بۆ دانوستاندنێن بێ مەرج ل گەل حکومەتا ئیراقێ.
مەسعوود بارزانی، سەرۆکێ هەرێما کوردستاێ ئەڤرۆ ل پیرمامێ پێشوازی ل رۆمان بلێکوا، بالیۆزێ نوو یێ ئێکەتییا ئەورۆپایێ ل ئیراقێ و شاندەکا پێکهاتی ژ بەرپرسێ بەشێ رۆژهەلاتا ناڤین و باکۆرێ ئەفریقایێ ل ئێکەتییا ئەورۆپایێ و بەرپرسێ نڤێسینگەها ئێکەتییا ئەورۆپایێ ل هەرێما کوردستانی کر.
بالیۆزێ ئێکەتییا ئەورۆپا د کۆمبوونێ دا سوپاسییا خوە بۆ سەرۆکاتی و حکومەتا هەرێما کوردستانێ دییار کر و هەماهەنگی و هەڤکارییا هەولێرێ و برۆکسلێ ، ب تایبەتی د بوارێ پاراستنا مافێن مرۆڤی بلند نرخاند و ئامادەبوونا ئێکەتییا ئەورۆپایێ بۆ ناڤبەیکارییا چارەسەرکرنا کێشەییێن سییاسی یێن کوردستانێ ل گەل حکومەتا ئیراقێ دوپات کر.
سەرۆک بارزانی ژی راگەهاند: هەرێما کوردستانێ بەری رێفراندوما سەرخوەبوونا کوردستانێ و نها ژی دوپات کرییە و رژدە دانوستاندنێن ڤەکری و بێ مەرج ل گەل بەغدایێ بکەت و ب رێیێن ئاشتییانە و دیالۆگێ هەموو کێشەیان چارەسەر بکەت.
تُتاح هذه الصورة أيضا في: کوردی