ل شنگال.. ژبهر حهشدا شهعبى خزمهتێن تهندروستى نهماینه
باسنيوز:
ئهندامهكێ جڤاتا قهزا شنگال دیاركر كو ژبهر نهبوونا خزمهتێن تهندروستى گهلهك كهسان ل شنگال گیانى خوه ژدهستداینه، پتریا وان ژى دانعهمر و ژنێن دووگیان بووینه.
مهیسهر حهجى ئهندامێ جڤاتا قهزا شنگال بۆ (باسنیوز) دیاركر “پشتى حهشدا شهعبى هاتیه شنگال، خزمهتین تهندروستى ناگههنه وهلاتیان، گهلهك كهسێن دانعهمر و نهخۆش و ژنێن دووگیان و كهسێن نهخۆشێن دەمدرێژ ههین، گیانى خوه ژدهستداینه، چونكو دهرمانێن پێدڤى ژى نهماینه، ههروهسا ژى حهشدا شهعبى بوویه ئهگهر پتریا كارمهند و نوژدارێن بنگه و نهخۆشخانێن سنۆنێ و دهڤهرا شنگال دهوام دكرن، ئاوارهیێ دهۆكێ بووینه”.
خۆیا ژى كر “نوكه دهمێ كهسهك ل شنگال نهخۆش بیت كهس و كارێن وێ نهشین ڤهگوهیزنه نهخۆشخانێن مووسلى، ل شنگال ژى خزمهتین تهندروستی نینن، ههكه نهخۆشیا وى كهسى جهلته بیت، هیچ چارهسهریهك نێنه دێ گیانى خوه ژدهستدهت”.
تُتاح هذه الصورة أيضا في: کوردی