باژێرڤانیا خانكێ:دپلان دایە چەندین جاددە بێنە قێركرن
تۆرا لالش:
سەرۆكێ باژێرڤانیا خانكێ ئاشكەراكر،كو دەست ب قۆناغا سیێ یا تەمامكرنا جادا سەرەكی یا كۆمەلگەهێ هاتیە كرن،دووپاتكر ژی دپلان دایە چەندین جاددە بێنە قێركرن،هەكە بوودجەدیا پێتڤی هات دابینكرن.
ئەندازیار(خێری جەعفەر)سەرۆكێ باژێرڤانیا خانكێ بۆ رۆژناما دەنگێ لالش دیاركر،پرۆژێ تەمامكرنا جادا سەرەكی یا خانكێ دئێتە دروستكرن ژ گوندێ خێراڤایێ هەتا گوندێ خانكا كەڤن كو ب قۆناغا سیێ دئێتە هەژمارتن كو جادا سەرەكی یا كۆمەلگەها خانكێ یە،گوژمێ (898,000,000) هەشت سەد و نوت و هەشت ملیۆن دیناران بۆ هاتینە تەرخانكرن،دیسان بۆ جارا ئێكێ یە پرۆژێ دانانا گلۆپێن رۆناهیێ لسەر جادا گشتی یا كۆمەلگەهێ دئێنە دانان.
خێری جەعفەر خویاكر ژی هەكە بوودجە نەئێـتە دابینكرن نكارین جادان قێر بكەین، هەمان دەم هزر ل وێ چەندێ هاتیەكرن كو جادێن گەلەك هاتن وچوون لسەر هەی بێنە قێركرن،لێ هێشتا دەم بۆ نەهاتیە دیاركرن،دیسا دپلانا باژێرڤانیێ دا رۆژانە قەستا جیێن گەشتیاری بكت ل كۆمەلگەهێ بۆ پاقژراگرتنا ڤان جیان،چنكو رۆژانە خەلكەكێ زۆر ل دەرڤەی كۆمەلگەهێ ژی قەست دكەنێ.
سەرۆكێ باژێرڤانیێ ئەو ژی دیاركر،رۆژانە (34)كرێكار وەك ستافێ پاقژیێ ل باژێرڤانیا خانكێ ب كارێ پاقژیێ لسەر جادە و دناڤا كۆمەلگەهێ دا رادبن، چ جارا بەرمایك یان هەر تشتەكێ ژینگەهێ نەشرین بكت لسەر جادا نائێتە دیتن و ئەڤە ژی جیێ شانازیێ یە،ئاماژەكر ژی قەدەغەكرنا ئاژەلان دناڤ كۆمەلگەهێ دا رەنگە ب ئێكجار یا ب زەحمەت بت و ڤی كاری دەم بۆ دڤێت هێدی هێدی و رەنگە پلانا قەدەغەكرنێ سالەك هەتا دوو سالان بۆ دڤێت.
تُتاح هذه الصورة أيضا في: کوردی