وەزارەتا دارایی: مووچە د ده‌مێ خۆدا دێ ئێته دابەشكرن
رووداو – هەولێر
بریکاری وەزارەتی دارایی و ئابووری بەوەکالەت، رەتیدەکاتەوە دابەشکردنی مووچەی فەرمانبەران کێشەی تێکەوتبێت و دەڵێت “ئەو خشتەیەی بڵاوکراوەتەوە وەک خۆی دابەشدەکرێت و دواناکەوێت”.
رابەر سدیق، بریکاری وەزارەتی دارایی و ئابووری بەوەکالەت بە تۆڕی میدیایی رووداوی راگەیاند “خشتەی مووچەی فەرمانبەران هیچ کێشەیەکی تێنەکەوتووە و وەک ئەوەی بڵاوکراوەتەوە وەزارەت و دەستەکان مووچەکانیان وەردەگرن”.
بریکاری وەزارەتی دارایی بەوەکالەت لەبارەی دابەشکردنی مووچەی وەزارەتی پێشمەرگەش گوتی “ئێمە بوودجەیەکمان بۆ دیاریکردوون و وەزارەتی پێشمەرگەمان سەرپشککردووە لە شێوازی کەمکردنەوەی مووچەکان، بەمەرجێک کەمترین ئەزیەتی مووچەی پێشمەرگەی ئاسایی بدرێت”.
رۆژی 15-12-2017، وەزارەتی دارایی و ئابووری حکومەتی هەرێمی کوردستان لە راگەیێندراوێکدا وادەی دابەشکردنی مووچەی مانگی 9 ی سەرجەم وەزارەت و دەستە و شوێنەکانی راگەیاند.
تُتاح هذه الصورة أيضا في: کوردی