نەتەوەیێن ئێکگرتی بنپێکاریێن حەشدا شەعبی ل خۆرماتوو بەلاڤ کرن
WAAR-دهۆک:
نەتەوەیێن ئێکگرتی راپۆرتەک ل دۆر بنپێکاریێن حەشدا شەعبی ل دژی وەلاتیێن خۆرماتوو بەلاڤ کرییە و تێدا ھاتییە: ژ ئەگەرا ھێرشێن حەشدا شەعبی ھزار و چارسەد و چل مالبات ئاوارە بووینە و خەلکێ ئاوارە ژی ژ ترسا حەشدێ نەشێن ڤەگەرنە سەر مالێن خوە.
د راپۆرتا یۆنامی دا ھاتییە: پشتەبەستن ب رێکخستنا کۆچ و کۆچبەران یا نێڤدەولەتی، ھزار و چارسەد و چل مالباتێن خۆرماتوو ئاوارە بووینە و تنێ چارسەد و چل و چار مالبات ڤەگەریاینە و ئەو مالباتێن تا نھا نە ڤەگهریاینه ژی ب نەتەوەیێن ئێکگرتی گۆتییە کو ئەو ژ ترسا حەشدا شەعبی ناڤەگەرن و چ گرەنتی ژبۆ پاراستنا وان نینە.
د راپۆرتا یۆنامی دا ھاتییە: ل رۆژێن شازدە و ھەڤدێ ئۆکتۆبەرێ ب دەھان مال و جھێن بارزگانی یێن کوردان ھاتینە سۆتن و پەقاندن.
یۆنامی ئهو یهك راگههاند و داخواز ژ حکومەتا ئیراقێ کرییە، ژیان و مالێن وەلاتییان ب پارێزن و رۆلەکێ ئەرێنێ د ڤەگەراندنا ئاوارەیان دا ھەبیت.
تُتاح هذه الصورة أيضا في: کوردی