ئەرزاق لسەر ئاوارەیان ل شاریا هاتە برین
تۆرا لالش یا راگەهاندنێ
نێزیكی(25)هەزار ئاوارەیێن شنگالێ ل دەرڤەی كەمپا شاریا ل كاڤل و خیڤەتان و گوندێن دەوروبەر یێن كۆمەلگەهێ دا ئاكنجینە،ژ گەلەك هاریكاریان بێ بەهر بووینە و ماوێ هەفت هەیڤایە ئەرزاق لسەر هاتیە برین.
ئاوارە (فێسەل ئسماعیل)دیاركر،وەك ئاوارێن ژ دەرڤەی كەمپا شاریا دژین درەوشەكا ب زەحمەت دا دەربازدبین،ژبەر سەرمایا زڤستانێ و ژ گەلەك هاریكاریان دبێ بەهرین مینا گازێ و سۆپە و ئەرزاقی،دخوازین ب زووترین دەم پێتڤیێن زڤستانێ بۆ مە بێنە دابینكرن.
ژلایەكێ دنڤە بەرپرسێ بنگەهێ لالش تایێ شاریا (دلگەش سەلیم)خویاكر،هەر ژ دەستپێكا هاتنا ئاوارا بۆ كومەلگەها شاریا بنگەهێ لالش دگەل خەلكێ كۆمەلگەهێ رابوون ب پێشوازیا ئاوارا و هەر تشتەكێ پێتڤی بۆ وان دابینكرن،نهۆ ژمارا ئاوارا ل كۆلگەهێ ژبلی كەمپێ نێزیكی(25)هەزار كەسایە و پتریا وان ل كاڤل و خیڤەتان و گوندێن دەوروبەر یێن شاریا ئاكنجینە،دوەرزێ زڤستانێ دا پێتڤیێن خەلكێ پتر دبن و ئاوارە نهۆ پێتڤی ب گازێ و جلكا و نایلونی نە.
ژبال خۆڤە بەرپرسێ ئاوارەیان ل كۆمەلگەها شاریا(شێخ هوشیار)گۆت:ل دەستپێكا ئاوارەبوونێ دەزگەهێ خێرخوازی یێ بارزانی دگەل (WFP) رادبوون ب دابەشكرنا ئەرزاقی بۆ ئاوارایان هەیڤانە هەتا سالا (2015)،پشتی هنگی هندەك مەرج دانان و ئەرزاق بۆ وان خێزانا یێن كو پەككەفتی و بیژن،دەزگەه لسەر ڤان مەرجا بەردەوام بوو هەتا هەیڤا (6) سالا (2017)ێ،لێ پشتی هنگی ئەو ژی نەما و هاتە برین،دا زانین ژی ل شاریا و گوندێن دەوروبەر نێزیكی چار هەزار و پێنج سەد خێزانێن ئاوارە هەنە و پێتڤی ب گازا سپی نە.
تُتاح هذه الصورة أيضا في: کوردی