رزگاربووویێن كوردێن ئێزدی ل كەنەدا تووشی كێشەیان دبن
تۆرا لالش یا راگەهاندنێ
پشتی حكومەتا كەنەدا بریار دایی كۆچبەرێن كوردێن ئێزدی وەرگرت و ئەولەویەت بۆ رزگاربووویێن ژ دەستێن داعشێ بت،هەتا نهۆ دۆرێن(2هەتا3)هەزار كەسێن ئێزدی گەهشتینە وی وەلاتی وكەسێن رزگاربووی تووشی كێشەیان دبن.
چاڤدێرێ جڤاكی یێ كورد ل وەلاتێ كەنەدا(ئارام دهۆكی) بۆ رۆژناما دەنگێ لالش راگەهاند،حكومەتا كەنەدا ژ دەستپێكا سالا( 2017)وەرە بەردەوام یێ كۆچبەرێن كوردێن ئێزدی دئینن و ئەولەویەت پتر بۆ رزگاربووویێن ژ دەستێن داعشێ بوویە،كو هەتا نهۆ دۆرێن دۆرێن(2هەتا3)هەزار كەسان گەهشتینە كەنەدا و ئەوێن رزگاربووی تەنها دەیك و زارۆك ئیناینە و باب گەل نینە،ژبەر ڤێ چەندێ هندەك ئالۆزی و كێشە ژی دئێنە پێشا وان و دئێنە ڤێدەرێ هندەك رێكخراو گرنگیێ ب كەیسا وان نادەن ب شێوەیەكی تایبەت ژلایێ دەروونی ڤە گەلەك داكەفتینە یان ئەو كارمەندێن وان رێكخراوا ئەو توخم و ئاین نەبت یێن ب دەستێ وان هاتینە ئازاردان و نە ئارامن بڤی تشتی و حەزدكن كەسانەكێ دی بانە وەك زمانێ وان یێ دەیكێ گەل باخڤن،ژبەركو گەلەك ژ وان زمانێ ئەرەبی نزانن و پەیاما دەنە وان ب دروستاهی تێ ناگەهن و گۆت:((ئەو خێزانێن ئێزدی یێ دئێنە وەرگرتن وەكی دئێنە كەنەدا بەری بێن بێنە ئاگەهداركرن و داخوازا وان سەرپەرشت و وەرگێران بكن یێن زمانێ وان یێ كوردی دزانن كو خزمەتا وان بكن)).
چاڤدێری ئەو چەندە ژی دیاركر،هندەك خێزانێن ئێزدی ل ڤێدەرێ هەنە كەسەك نینە چاڤدێریا وان بكت ب تایبەت بۆ كاروبارێن ناڤ مالێ،باشترە مرۆڤەكێ نێزیك بۆ وان خێزانان هەبن،داكو تووشی ڤەجنقینێ نەبن و یێن رزگاربووی ژی داكو تووشی كێشەیان نەبن.
تُتاح هذه الصورة أيضا في: کوردی