تۆرا لالش
ئیرۆ رۆژا چارشه‌مبوویێ، ڕێككه‌فتی 11/11/2026ـێ، شانده‌كی بنگه‌هێ لالش یێ ڕه‌وشه‌نبیری و كۆمه‌لایه‌تی، ب سه‌رپه‌رشتییا “سه‌عید جردۆ” سه‌رۆكێ بنگه‌هێ لالش و ژماره‌یه‌كا ئه‌ندامێن ده‌سته‌كا بلند، د رێوره‌سمێن رۆژا ئێكێ یا فێستیڤالا خانی یا چارێ دا ل هۆلا كۆنفرانسان ل زانكۆیا دهۆكێ ئاماده‌بوون.
ئه‌ڤ فێستیڤاله ژ ئالیێ ناڤه‌ندا خانی یا ڕه‌وشه‌نبیری و ڕاگه‌هاندنێ ڤه، ل ژێر دروشمێ “كه‌لتوورێ مه ناسناما مه‌یه” هاتییه ڕێكخستن و دێ ب چه‌ندین چالاكیێن جۆراوجۆر به‌رده‌وام بت.
گرنگترین بڕگه و ته‌وه‌رێن فێستیڤالێ پێكدهێن ژ پێشكێشكرنا موزیك و سترانێن ڕه‌سه‌ن یێن كوردی و كه‌لتووری، كو وه‌ك به‌شه‌كێ سه‌ره‌كی و گرنگ یێ فێستیڤالێ دێ ئێنه نیشاندان.
هه‌روه‌سان نیشاندان و به‌لاڤكرنا چه‌ندین په‌رتووک و چاپكریێن هه‌مه‌جۆر یێن ژ ئالیێ ناڤه‌ندا خانی ڤه هاتینه چاپكرن.
پشكدارییا شاندێ بنگه‌هێ لالش د ڤێ فێستیڤالێ دا، د چارچۆڤێ گرنگیدانا به‌رده‌وام یا بنگه‌هی دا دهێت ب بزاڤا ڕه‌وشه‌نبیری، هونه‌ری و پاراستنا كه‌لتوور و ناسناما كوردی ل ده‌ڤه‌رێ.
تُتاح هذه الصورة أيضا في: کوردی