ل خانكێ د روودانەکا سۆتنێ دا دانعەمرەکی گیانێ خۆ ژ دەست دا

ل خانكێ د روودانەکا سۆتنێ دا دانعەمرەکی گیانێ خۆ ژ دەست دا
باسنيوز:

بەرپرسێ راگەھاندنا رێڤەبەریا بەرەڤانیا باژێری ل پارێزگەھا دھۆکێ دیارکر، ل کۆمەلگەە خانکێ یا ب سەر قەزا سێمێلێ ڤە دانعەمرەکی د روودانەکا ئاگربەربوونێ دا گیانێ خۆ ژ دەست دا.

رائیدێ مافپەروەر بێوار عەبدولعەزیز، بۆ (باسنیۆز) دیارکر، ئەڤرۆ رۆژا ئێکەشەمبی 28/1/2018، ل دەمژمێر 5:12 مەغرەب پەیوەندی ب یەکا کونترۆلی ھاتە کرن ب ھەبوونا روودانەکا ئاگری ل کۆمەلگەھا خانکێ کو ئاگر بەربوویە خانیەکی، دەملەدەست بنگەھێ سێمێلێ یێ بەرەڤانیا باژێری ل جھێ روودانێ ئامادەبوو و ئاگر ڤەمراند.

ئاشکرا ژی کر، ب مخابنیڤە زەلامەکێ دانعەمر د ڤێ روودانا ئاگربەربوونێ دا گیانێ خۆ ژدەست دا ژ ئەگەرێ سۆتنێ و ھاتیە رەوانەکرن بۆ پزیشکیا داد ل دھۆکێ و ھەتا نوکە ئەگەرێن پەیدابوونا ڤێ روودانێ ئاشکرا نەبووینە.

تُتاح هذه الصورة أيضا في: کوردی