قادر قاچاخ: سیاسەتا تەعریبکرنێ ھێشتا ل شنگال یا بەردەوامە
باسنيوز:
بەرپرسێ لقێ 17 یا پارتی دیمۆکراتی کوردستان ل قەزا شنگال، دیارکر کو پشتی ھاتنا حەشدا شەعبی ب شێوەیەکێ بەرفرە دەست ب تەعریبکرنا قەزا شنگال و کۆمەلگەە و دەڤەرێن وێ ھاتیە کرن و زیانێن مەزن ژی ب شنگال کەفتینە.
قادر قاچاغ، بەرپرسێ لقێ 17 یا پارتی دیمۆکراتی کوردستان ل قەزا شنگال، بۆ (باسنیۆز) دیارکر، ل دەمێ ھاتنا داعش بۆ شنگال، 360 ھزار ھاوولاتیێن قەزا شنگال ئاوارەببوون و پشتی ئازادکرنا وێ، ھژمارەکا مەزن یا خەلکێ دەڤەرێ ڤەگەریابوو سەر مال و مۆلکێن خوە، بەلێ پشتی ھاتنا حەشدا شەعبی، ھژمارەکا مەزن یا خەلکی جارەکا دی ئاوارەبووینە و حەشدا شەعبی ژی ب شێوەیەکێ گەلەک توند دەست ب تەعریبکرنا دەڤەرا شنگال کریە.
ئاشکرا ژی کر، کو ھێشتا 80% ژ خەلکێ شنگال د ئاوارەنە و نھا ب تنێ 20% ژ خەلکێ شنگال ڤەگەریاینە سەر مال و مۆلکێن خوە.
تُتاح هذه الصورة أيضا في: کوردی