ڤۆدافۆن و نۆکیا مۆبایلا 4G دبەنە سەر هەیڤێ
ئێن ئارتى:
هەردوو کۆمپانیێن بناڤ و دەنگ مۆبایلا ڤۆدافۆن و نۆکیا پلان دانایە، ل سالا ٢٠١٩ێ تۆرەکا مۆبایلا تەکنەلۆجیا نەوەیێ چارێ (4G) لسەر هەیڤێ دابمەزرینن.
مالپەرێ بی بی سی بەلاڤکریە، ئەو تۆرە رێ ب دوو گەرۆک “rover” ددەت، کو ڤیدیۆ ب کۆالیتیا بلند بۆ ویتسگەهەکێ ڤەگوهێزیت و پشترا لوێرێ بۆ سەر زەڤیێ.
کەیت ئارکلیس گرەی زانا و ئەندازیار ل گرۆپێ “PTScients” ڕاگەهاند، “ڤان دوو گەرۆکان بۆ سەر رویێ هەیڤێ دشینن و ب رێیا رێژەیەکا زۆر داتایا زانستى و ڤیدیۆ و وێنە کوالیتیا بلند کۆمدکەن”.
ئاماژە کر ژى، ئاریشا وان ئەوە کو نەشێن راستەراست داتایان ب رێیا گەرۆکان بۆ سەر زەڤیێ بشینن، چونکی پێدڤی ب وەزیەکا زۆر هەیە.
دبێژیت، داتایان دشینن ویستگەهەکێ کو وزەیا زۆرا تێدایە و لوێرێ ژى بۆ سەر زەڤیێ، ب وی جۆری ژى ڤیدیۆیەکا راستەراست لسەر مەهێ دەست دکەڤیت.
کۆمپانیا ڤۆداڤۆن ل سالا ١٩٩١ێ ژ ئالیێ هێرنێست گاریسن و گێرێ وێنتەوە هاتیە دامەزراندن و بارەگەهێ سەرەکی ل لەندەن، هەروەسا نۆکیا ل سالا ١٩٦٥ێ ژ ئالیێ فرێدریک ئیدستام و لیۆ مێچیلینە ڤە هاتیە دامەزراندن و بارەگەهێ وێ یێ سەرەکێ ل فینلەندایە.
تُتاح هذه الصورة أيضا في: کوردی