كارەساتا شنگال و مالوێرانیا كۆبانێ
لەیت حسێن 
دوژمن هاتن و تەڤایا گەلێ كورد و دلسۆزێن مللەتێ دل برینداركرن كو هژمارەكا زۆر ژ خۆرت و جانگۆریێن دلێرخۆ ل شنگال و كۆبانێ كرنە قوربانی و جان فیدایێن ئاخا كوردستانا پیرۆز،هەروەسا ژی پتر ژ(6)هەزار كەسێ ئێزدی ژ كچ و ژن و زەلام و زارۆكان بوونە قوربانیێن جینۆسایدا شنگال،ئەوا كو رێكخراوا تیرۆرستا داعش ئەنجام دایی و هێشتا برینا شنگالا خۆراگر دەرمان نەبووی كۆبانا جیێ مەردان ژی كەفتە دەستێ تیرۆرستان،لێ گەلێ كورد و ب تایبەتی ژی هێزا قارەمان یا پێشمەرگەی كو بەرەڤانی ل هەمبەر داعشێ دكر ژ پێش هەموو جیهانێ ڤە كاری وێ هێزا توندرەو ژ ناڤ ببەت و داستانێن هەری مەزن تۆمار بكت و شنگالا جیێ ئێزیدخانێ ژ دەستێ مەزنترین هێزا تیرۆری رزگاربكت،هەردیسان كۆبانا جیێ مەردان ژی ب پشتەڤانیا و هەڤكاریا ڤێ هێزێ و ڤان قارەمانێن پێشمەرگەی هاتە رزگاركرن.
لێ نهۆ برینەكا گەلەك مەزن ل دلێ خەلكێ كوردستانێ هاتیە ڤەكرن ژبەركو عەفرینا خۆشتەڤیا رۆژئاڤا نهۆ یا كەفتیە بە مەزنترین هێرشێن وەلاتێ توركیا یێ فاشست و بوویە ئەگەرێ دلگرانیا تەڤایا مللەتێ كورد ،هەر وەكو گۆتنەكا خەلكێ یا هەی وەك بانگەوازیەك بۆ جیێن پەیوەندیدار و مافێ مرۆڤ داكو ڤێ هێرشێ ب سەكنینن هۆزانڤانەكی گەنج ل پارچە هۆزانەكێ دا دبێژت(عەفرینێ نەكنە گۆلا خوینێ /هێژ فەرمانە شنگال مە تیشینێ ) و دئێتە زانین كو ژبەر ڤان هێرش و تۆپێن داویێ یێن ژلایێ وەلاتێ توركیا و لەشكەرێ سوریا ئازاد بۆ سەر باژارێ عەفرینێ دئێتە ئەنجام دان هەزار كەس ژ وەلاتیێن وی باژێری ئاوارە بووینە و سەدان سڤیل هاتینە كوشتن و برینداركرن و ئەڤ چەندە بوویە خەمەكا هەرە نەخۆش بۆ مللەتی.
دیارە كو هەردەم و ژ هەموو ئالیان ڤە بتنێ هیڤی و ئارمانجا دوژمنێن گەلێ كورد ئەوە،كو برینێن كوردان مەزنتر بكن و ب بەهانەیا تیرۆركرنا هندەك ژ هن ئاخا كو ڤی مللەتێ خۆراگر ب هەزاران جانگۆری و قوربانی بۆ داین كۆنترۆل بكن و بكەنە ل ژیر دەستێ خۆ و تەعریبكرنێ و كارێن خراب كو دژی هەموو كوردان بن ل وان دەڤەران ئەنجام بدەن.
تُتاح هذه الصورة أيضا في: کوردی