ب هاریكاریا گوندیا و بەرێز”شێخ شامۆ”هۆلا گوندێ كەندالا هاتە تەمامكرن
تۆرا لالش یا راگەهاندنێ
هۆلا گوندێ كەندالا ئەوا کو ژئالیێ ئەوقافا ئێزدیا ل بەغدا هاتیە دروستكرن و پشتی ب نیڤی مایی و كار لێ هاتیە سەكناندن،نهۆ ب هاریكاریا گوندیا و بەرێز”شێخ شامۆ”سەرۆكێ دەستەیا بلندا بنگەهێ لالش ئەڤ هۆلە هاتە تەمامكرن و كەفتە دخزمەتا بیرەوەریێن جڤاكی و ئۆلی یێن خەلكێ دەڤەرێ دا.
ئەڤچەندە هات پشتی كۆمەكا كەسایەتی و ریهسپیێن گوندێ كەندالا سەرەدانا بەرێز”شێخ شامۆ”سەرۆكێ دەستەیا بلندا بنگەهێ لالش كرین و سوپاسیا كار و خزمەتا وی یا بەردەوام دناڤ جڤاكا ئێزدیا دا كرن و ب تایبەت ل کۆمەلگەها مەهەتێ سنورێ دەڤەرا وان، دوێ سەرەدانێ دا داخوازا هاریكاریێ كرن بۆ تەمامكرنا هۆلا گوندێ كەندالا پشتی كار لێ سەكنی گوندی و خەلكێ گوندی ژ دەرڤەی وەلاتی راببوون ب كۆمكرنا هاریكاریێ ژبۆ تەمامكرنا هۆلێ و پشتی گەهاندینە قۆناغێن چێكرنا كاڤلی،بەرێز”شێخ شامۆ”رابوو ب ئەركێ تەمامكرنا هۆلێ.
هێژایی گۆتنێ یە كارێ بەرێز”شێخ شامۆ”بخۆ ڤە گرتی بۆ تەماكرنا هۆلێ چێكرنا كوستیك(سقف مغربی)و بۆیاغكرن ب تەمامی و دروستكرنا كارەبێ و پەنەلی و پەردەیێن هۆلێ بوویە،نهۆ پشتی تەماكرنا ڤی كاری هۆل كەفتیە دخزمەتا خەلكێ دەڤەرێ دا.
ل بەرامبەر دا خەلك و ریهسپیێن دەڤەرێ سوپاسیێن خۆ ئاراستەی بەرێز”شێخ شامۆ”كرن بۆ ڤی كارێ پیرۆز یێ ئەنجام دایی و هەر كەسەكی گەل دا هاریكاری كری،بۆ تەمامكرن ودروستكرنا هۆلێ.
تُتاح هذه الصورة أيضا في: کوردی