چاوان باشترین شهبهشى دێ هەلبژێرى؟
باخچه:
پاش چەند مانگێكی تر و لە وەرزی هاوین، شووتی دەبێتە یەكێك لە خواردنە باوەكان و زۆرینەی خەڵكی حەز بە خواردنی دەكەن، بەڵام زۆرینەیش ئەو كێشەیان هەیە، كە لە كاتی كڕینی شووتی، چۆن دانەیەك هەڵبژێرن و دڵنیابن لەوەی تەواو پێگەیشتوو و سوور و شیرینە.
پێگەی ” healthywayoflifee ” بڵاوی كردووەتەوە و ئاماژەی داوە كە شووتی یەكێكە لەو میوانەی ڕێژەیەكی یەكجار زۆر ئاو و چەندان ڤیتامین و كانزای تێدایە و زۆر پێویستە بۆ ئەو كەسانەی گرفتی گورچیلەیان هەیە، بۆ هەڵبژاردنی شووتییەكی زۆر باش و بە تام و چێژ پێویستە ئەو ڕێنمایییانە ڕەچاو بكەن.
قەبارە، بیركردنەوەیەك لای خەڵكی بڵاوبووەتەوە، ئەگەر شووتی قەبارە و كێشی زۆر بێ، ئەوا تەواو پێگەیشتوو و سوور و بە تامە، بەڵام بە گوێرەی لێكۆڵینەوەكان ئەمە بە تەواوی هەڵەیە و بە پێچەوانەوە شووتی قەبارە مام ناوەند زۆر خۆشتر و چێژبەخش ترە.
پەڵەی ڕووی دەرەوەی شووتی، سەرجەم شووتییەكان پەڵەیەك لە ڕووی دەرەوەیان بوونی هەیە، ئەو پەڵەیە لە هەندێ شووتی ڕەنگی زەردە و لە هەندێك پرتەقاڵی و لە هەندێكیش ڕەنگی سپییە، بەڵام باشترین جۆری شووتی ئەوانە كە ڕەنگی پەڵەی ڕووی دەرەوەیان ئاڵتوونییە.
دەزووی شووتی یان ئەو لكە سەوزەی بە كۆتایی شووتی دەمێنێتەوە، ئەگەر زۆرترین پێچ و لوولی هەبوو، ئەوا باشترین جۆری شوتییە، بەڵام ئەگەر وشك و ڕێك بوو، بە چێژ نییە و مەیكڕن.
س/وشە
تُتاح هذه الصورة أيضا في: کوردی