حکومەتا ھەرێمێ راگەھاندنەک ل دۆر بانگەشەیا ھەلبژارتنان بەلاڤ کر
WAAR-دهۆك:
حکومەتا ھەرێما کوردستانێ داخواز ژ تەڤ ئالیێن سیاسی و وەلاتی و بەربژاران کر ل دەمێ بانگەشەیا ھەلبژارتنان خوە ژ توندتیژی و ناڤزارندن و کارێن نەیاسایی دووربێخن.
حکومەتا ھەرێمێ راگەھاندنەک ل دۆر دەمێ ھەلبژارتنێن جڤاتا نوونەرێن ئیراقێ و دەستپێکرنا بانگەشەیا ھەلبژاراتنان بەلاڤ کر، تێدا دوپاتی ل پاراستنا مافێن گشت بەربژار و لیست و ئالیێن سیاسی یێن کوردستانێ و ئیراقێ یێن ب فەرمی ھاتینە تۆمارکرن بۆ کرنا چالاکی و بانگەشەیا خوە ب ئازادی و د چوارچووڤێ یاسا و رێنمایان دا و گۆت: ھەر بەربژار و لیستە و ئالیێن سیاسی ل دەمێ چێبوونا ھەر دەست درێژییەکێ ژ ھەر ئالیەکی ڤە سەرەدانا جھێن پەیوەندیدار بکەن.
حکومەتا ھەرێمێ خوەیا کر: پێدڤییە پرۆسەیا بانگەشەیا ھەلبژارتنان ب گیانێ ئێک قەبوولکرنێ و رێزگرتن ل بۆچوونا بەرامبەر و بەرچاڤ وەرگرتنا مافێن ئازادی و رادەربرینێ ب رێڤە بچیت و گشت ئالی خوە ژ توندوتیژی و ناڤزراندن و کارێن نەیاسی دووربێخن و پێگیریێ ب رێنمایێن کۆمسیۆنێ و یاساییێن پەیرەوکری یێن حکومەتا ھەرێمێ بکەن.
د وێ راگەھاندنێ دا ھاتییە ژی: پێدڤییە گشت فەرمانگەھێن حکومەتێ و سازیێن ئێمناھیێ ھاریکاربن دگەل کۆمسیۆنا بلندا سەربخوەیا ھەلبژارتنان و ئالیێن پەیوەندیدار و کار ژبۆ برێڤەچوونا پرۆسەیا بانگەشە و کرنا ھەلبژارتنان ل دووڤ بنەمایێن ماففێن مرۆڤی و پاراستنا مافێن دەنگدەر و بەربژار و وەلاتیان بکەن.
تُتاح هذه الصورة أيضا في: کوردی