به‌ربژێرا ئێزدى “روناک عه‌لی ئێزدین”سەرەدانا بنگەهێ لالش شاریا کر
تۆرا لالش يا راگه‌هاندنێ 
ئيرۆ سێ شه‌مبوويێ 3ى نيسانا2018ێ شاندەکی مەزن پێکهاتی ژ کچا ئێزیدخانێ پارێزەر “روناک عه‌لی ئێزدین” بەربژێرا پارتی دیموکراتی کوردستان ل پارێزگەها دهۆکێ بۆ پەرلەمانێ عێراقێ و بەرێزان “مناف بامەرنی” بەرپرسێ لژنا ناوچا فەیدێ یا PDK و بەرێز “عه‌لی ئێزدین” کەسایەتیێ ناڤدار و خێرخوازێ ئێزدی و بەرپرسێن رێکخراوێن پارتی ل شاریا،سەرەدانا بنگەهێ لالش تایێ شاریا کرن.
شاندێ ناڤبری ژلایێ بەرپرس و ئەندامێن بنگەهێ لالش و هەڤالێن دگەلدا ب گەرمی هاته پێشوازیکرن.
ئه‌ڤ سه‌ره‌دان هات ژبۆ ژ نێزیک دیتن و هەڤنیاسینا بەربژێرا ناڤبری و هەڤکار بوون دگەل وێدا تا کو بگەهتە پەرلەمانێ عێراقێ،ژبۆ خزمەتکرنا کوردستانێ ب گشتی و ئێزیدخانێ ب تایبەتی.
ژلایێ خۆڤە بەرپرس و ئەندامێن بنگەهێ لالش تایێ شاریا بەرهەڤیا خۆ دەربرین ژبۆ پشتەڤانیکرنا “روناک عه‌لی ئێزدین”،تاکە کچا ئێزدی ل بازنێ پارێزگەها دهوک کو کاندیدا ژمارە 13 یە لسەر لیستا 184 یا پارتی.
تُتاح هذه الصورة أيضا في: کوردی