رێڤەچوونا رێ ورەسمێن جەژنا چلێ هاڤینێ ل پەرستگەها لالش
باسنيوز:
بەرپرسێ نڤیسینگەها لالش ل پەرستگەها لالش دیاركر:” كوردێن ئێزدی دەست ب گێرانا رێ ورەسمێن ئۆلی یێن جەژنا چلێ هاڤینێ ل پەرستگەها لالش كرینە.
لوقمان سلێمان، بەرپرسێ نڤیسینگەها لالش بۆ (باسنیوز) دیار كر: “پشتی چل رۆژێن دەستپێێكێ یێن هاڤینێ ب دووماهی دهێن ئێزدی رۆژا دووماهیێ دكەنە جەژن ئانكو سوبەهێ 2/8 دێ رێ ورەسمێن جەژنا چلێ هاڤینێ دهێنە گێران. ل پەرستگەها لالش ل هەموو ئێڤاریان ژی سەما دهێتە كێشان وچرایێن ئاقد ونیشانگەهێن خاسا دهێنە هەلگرن ورێ ورەسمێن قنتارێ دهێنە گێران. كەسێن نە مۆركری ژی ب ئاڤا كانیا سپێ دهێنە مۆركرن. هەموو ئێڤاریان ژی بەیت وقەسیدە دهێنە رێزكرن وسمات دهێتە چێكرن “.
چەندین رێ ورەسمێن جەژنێن ئێزدیان ل پەرستگەها لالش دهێنە گێران وەكو جەژنا چلێ زڤستانێ و جەژنا چلێ هاڤینێ و جەژنا جەمایێ كو جەژنا چلێ هاڤینێ ئێك ژوان جەژنیێن ئێزدیان ل پەرستگەها لالش دهێتە كرن.
تُتاح هذه الصورة أيضا في: کوردی