ب سەنگا پارتى ل بەغدا دێ بەندا 140 یا پاراستى بیت
دهۆک-KDP.info-
مامۆستایكێ زانینگەهێ راگەهاند، بەندا 140 ژ دستورێ عیراقێ فیدرال پێگیریەکا یاساییە ل بەرامبەر حکومەتا مەرکەزى ل بەغدا، جونکە حکومەتا عیراقێ دێ کەفتە بەرپرسیارکرنا یاسایى ژبۆ دیارکرنا نەبجهئنانا ڤى بەندێ دستورى، دیسان پارتى سەنگا خۆ لسەر ئاستێ نیڤدەولەتى هەیە و دشێت ژیوارەکێ نەتەوەیى ل بەغدا پەیدا بکەت.
یاسا ئیدارەکرنا عیراقێ لسەر دەمێ حوکمێ بول بریمەرى ل عیراقێ ل سالا 2003ێ ل بەندا 58ێدا دەڤەرێن دەرڤەیى هەرێما کوردستانێ لسەر هەیى لژێر دەستهەلاتا هەرێمێ بوون، ژبەر هندەک ناکوکیان ئەڤ بەندە هاتە دستوریکرن ل دستورێ عیراقێ ل 2005ێ، کۆ بەندا 140 بۆ چارەسەکرنا کێشا کەرکوک و دەڤەرێن ناکوکى لسەر، بەلى تا نوکە ئەڤ بەندە ژلایێ حکومەتا عیراقێ ڤە نەهاتیە بجهئینان.
رێنجبەر بامەرنى، مامۆستایێ زانینگەهێ و چاڤدێرێ سیاسى بۆ مالپەرێ فەرمیێ پارتى دیموکراتى کوردستان گۆت: “بەندا 140 ژ دستورێ عیراقێ فیدرال پێگیریەکا یاساییە ل بەرامبەر حکومەتا مەرکەزى ل بەغدا، کۆ دەستهەلاتا بجهئینانێ ل بەغدا بەرپرسیارە بۆ بجه ئینانا ڤێ بەندێ”.
بەرپرسیارەتیا نەبجهئینانا مادا 140 دکەڤتە ستویێ کێ؟ رێنجبەر بامەرنى بەحسکر، ئەگەر بەندێ 140 یێ دستورێ عیراقێ نەئێتە بجهئینان دێ چارەنڤیسێ دەڤەرێن دەرڤەیى هەرێما کوردستانێ چ بیت و دێ لسەر عیراقێ یان کوردستانێ بن ؟، ب تایبەت پشتى ریفراندۆما سەربەخۆیا کوردستانێ سەرکەفتنەکا مەزن ل وان دەڤەرا، ژبەر هندێ دێ ڤەگەرینە بەندێ 58 یێ لسەر دەمێ حکومەتا ئینتقالى ل سالا 2004ێ، کۆ ئەڤ دەڤەرە پشتى سالا 2003ێ لژێر دەستهەلاتا حکومەتا هەرێما کوردستانێ بوون و دەڤەرا کەرکۆکێ ئێک ژ وان دەڤەرا بوو حکومەتا هەریمێ رزگارکرى، ژ روویى یاساییڤە حکومەتا مەرکەزى یا بەرپرسە بجهئینانا ڤى بەندى، جونکە حکومەتا عیراقێ دێ کەفتە بەرپرسیارکرنا یاسایى ژبۆ دیارکرنا نەبجهئنانا بەندا 140، ژبەر هندێ لڤێ دووماهیێ ژیێ دادگەها فیدرالى ل عیراقێ بریاردا مادا 140 بەندەکێ دستوریە”.
چاڤدێرێ سیاسى ئاماژەدا: “ئارمانجا نەتەوەیێن ئێکگرتى پاراستنا ئاشتى و ئارامیا نیڤدەولەتییە و دەڤەرێن دکەفنە سنۆرێ بەندا 140 یێن بووینە جهێ پەیداکرن و تێکدانا ئاشتى و ئارامیا نیڤدەولەتى، ژبەر هندێ وەک ئەرکەکێ ئەخلاقى و سیاسى جڤاتا نیڤدەولەتى دڤێت ئاشتى و ئارامیا دەڤەرێ بەرقەرار بکەت و ب تایبەت ل دەڤەرێن دەرڤەیى سنۆرێ هەرێما کوردستانێ، ژبەر هندێ جڤاتا نیڤدەلەتى و ب تایبەت وەلاتێ فرەنسا رژدە خەلکێ دەڤەرێن دکەفنە لژێر مادا 140 بریارا چارەنڤیسێ خۆ بدەن بۆ مانا وان دگەل کوردستانێ یان عیراقێ”.
مامۆستایێ زانینگەهێ زەلالکر: “پارتى دیموکراتى کوردستان سەنگا خۆ لسەر ئاستێ نیڤدەولەتى هەیە و دشێت ژیوارەکى پەیدا بکەت، تا رادەکێ دێ شێت مادا 140 ب ئازرینیت و پارێزیت، بەلکۆ بۆ بهێزکرنا ڤێ بەندێ دستورى پێدڤى ب ئێکگرتن و ئێکدەنگیا کوردان هەی و ب تایبەت پشتى روودانێن 16ى ئێکتوبەرا 2017ێ، کودەنگى و ئێک هەلویستى و ئێک بەرنامەیا کوردستانیا ل بەغدا دێ کارتێکرنەکا ئەرینى هەبیت بۆ دەڤەرێ و پارتى شیان هەنە سەنگا نەتەوەیى پارێزیت”.
بامەرنى تەگەز کر: “ب سرۆشتیکرن و بجهئینانا مادا 140 و راکرنا وان فشارێن بەغدا یێن لسەر خەلکێ کەرکوکێ و ئەنجامدانا ریفراندۆمێ لوان دەڤەران، کۆ هەر دەمێ خەلکى بریاردا بهێنە سەر ب کوردستانێ ڤە دێ هینگێ دەڤەرێن دەرڤەیى ئیدارا هەرێمێ شەرعیەتا کوردستانى بوونێ وەرگرن”.
تُتاح هذه الصورة أيضا في: کوردی