دێ چاوا شێی بلەزتر تایپێ کەی؟
ئێن ئارتى:
د ڤەکولینەکا نویدا یا تەکنیکى بۆ چاوانیا بلەز نڤیسینێ لسەر کیبوردێ کومپیوتەرى دەرکەتیە پرانیا وان کەسانن شارەزاى هەى د یاریێن ئەلکترونیدا.
مالپەرێ بى بى سى بەلاڤ کر, ڤەکولین ژ لایێ زانکویا ئالتۆى فینلاندى زانکۆ یا کامبریج هاتیە ئەنجامدان و د ڤەکولینێدا ١٦٨ هزارکەسان بەشدارى کربوون.
د ڤەکولینێ دەرکەتیە, ئەو بەژداربوێن ل نڤیسینێ دا بلەزبون تەکنیکا “rollover “بکار دئینا, کو دڤێ ڕێکێدا بەرى تو تبلا خۆ لسەر دوکمێ پیتا نڤیسای راکەى تبلەکا دى لسەر دوکما وێ پیتا دویڤرا دهێت دانى لسەر کیبوردی.
ئانا فێیت قۆتابیا دکتورایێ ل زانکویا ئالتۆ کۆ بەشدارى د ڤێ ڤەکولینێدا کریە ڕاگەهاند, دانانا تبلێ لسەر دۆکمێن کیبۆردى ب شێوازەکێ ئالوز و ب رێکا تەکنیکا ” rollover”ێ، کارێ بکار ئینەرى دێ ب بلەزتر کەت و دێ شێت د چڕکەیەکێدا چەند پیتەکا نڤیسىت.
گۆت ژى ئەو کەسێ لسەر کیبوردی د نڤیسیت پێدڤی ناکەت دەما پیتەک نڤیسی تبلا خۆ ڕاکەت و لویڤدا ب دانیتە سەر دۆکما پیتا دۆیڤدا بەلکۆ ئەو دشێت بەری تبلا خۆ ڕاکەت دانیتە سەر دوکما پیتا دویڤدا ژی.
ژ لایەکێ دیڤە ئانتی ئۆلاسڤیرتا پڕۆفیسۆر ل زانکۆیا ئالتۆ ئاماژە ب وێ یەکی کر، ئەو کەسین شارەزای یاریێن کۆمپیوتەرینە دەستێ چەپێ زیرەکترن ژ دەستێ راستێ لێ دەستێ چەپێ زێدەتر ژ دەستێ راستێ رووبەرێ کیبووردی دگریت.
هەروەسا ڤەکولینێ تێبینیا وێ یەکێ ژی کر کو ئەو کەسێن تایپێ لسەر کیبوردی دکەن هەمی دەما هەر هەمان تبل بکار دئینن دەما پیتەکێ چەند جاران دنڤیسن.
هەڤدەم ل دیڤ ڤێ ڤەکۆلینێ دا دیارکر ئەو کەسێن بلەز تایبێ دکەن هەردەم ل ڕێکەکا نوی دگەرن دا کۆ زویتر تایپێ بکەن و کارێن خۆ زویتر برێڤە ببەن.
ز.ب
تُتاح هذه الصورة أيضا في: کوردی