پاشماوەیێن شەری ل گوند و كۆمەلگەهێن شنگال نەهاتینە پاقژكرن
تۆرا لالش یا راگەهاندنێ
ژبەر پاشماوەیێن شەری ل چەندین گوند و كۆمەلگەهێن شنگالێ،هەتا نهۆ چەند وەلاتیان دەما قەستا مال و خانیێن خۆ كرین پێڤە پەقینە و گیانێ خۆ ژ دەست داینە.
سەرۆكێ لژنا ساخلەمی و ژینگەهێ ل ئەنجوومەنێ پارێزگەها مووسلێ (خدر ئەلیاس)بۆ رۆژناما دەنگێ لالش راگەهاند،چەندین گوند و كۆمەلگەهێن شنگالێ هەتا نهۆ ماینە ژ پاشماوەیێن شەرێ داعش نەهاتینە پاقژكرن و ئەڤ چەندە مەترسیە لسەر ژیانا وەلاتیان دەما قەستا مالێن خۆ دكن كو پێڤە بپەقن ئەگەر نەئێنە راكرن،ژبەركو هەتا نهۆ چەند وەلاتیان گیانێ خۆ ژ دەست داینە ژبەر پەقینا مینا و خانیێن مینرێژكری و بووینە قوربانیێن ڤان پاشماوەیان،ئەڤە گرێدایی حكومەتا ناڤەندی یە و دڤێت ب ئەركێ خۆ رابت و دەست ب پاقژكرنا ڤان هەموو دەڤەران بكت و گۆت:((بەری شەش هەیڤان شاندەكی تایبەت یێ كاروبارێن مینان هات جڤاتا ئەنجوومەنێ مووسل و لگەل دا مە دیداركر و ناڤێ هەموو دڤەرێن شنگالێ پێشكێشكرن و هەتا نهۆ تشتەك نەكرنە و پاشماوەیێن شەری ماینە)).
گۆتژی ئەم داخوازێ دكەین ئەڤ پاشماوەیێن شەری ل هەموو دەڤەرێن شنگالێ بێنە پاقژكرن.
تُتاح هذه الصورة أيضا في: کوردی