ئەڤرۆ رۆژا جیھانی یا نەکێشانا جگارا یە

ئەڤرۆ رۆژا جیھانی یا نەکێشانا جگارا یە
WAAR-دهۆك:

ئەڤرۆ رۆژا جیھانی یا نەکێشانا جگارا یە و رێکخستنا ساخلەمیا نێڤدەولەتی ژی چەندین چالاکی ل سەرانسەری جیھانی بەرھەڤ کرینە.
رۆژا جیھانی یا نەکێشانا جگارا یان تووتنێ ھەر سال ل رۆژا سیھـ و ئێکێ مەھا گولانێ ل سەرانسەری جیھانێ د ھێتە ساخکرن و رێکخستنا ساخلەمیا نێڤدەولەتی دێ بانگەشەیا کا مەزن ب ناڤێ تووتن و ئێشێن دلی بۆ ھشیارکرنا خەلکی ژ کێشانا جگارا ل ھەژمارەکا وەلاتان دەست پێ کەن.
ل گۆرەی راپۆرتێن رێخستنا ساخلەمیێ، سالانە شەش ملیۆن کەس ژ ئەگەرا کێشانا جگارا ژیانا خوە ژ دەست ددەن و د ناڤا وان دا شەشسەد ھزار کەس جگار کێش نینن، لێ تنێ کو د ناڤا ژینگەھەکا جگارکێشان دا دژین دبیتە ئەگەرێ مرنا وان.
رێکخستنا ساخلەمیا جیھانی ل سالا ھزار و نەھسەد و ھەشتێ و حەفتێ پرۆژەقانوونەک پەسەند کر کو ل رۆژا سیھـ و ئێکێ گولانێ یا سالا ھزار و نەھسەد و ھەشتێ و ھەشتێ ببیتە ئێکەم رۆژا نەکێشانا جگارا و سالانە ئەڤ رۆژە دھێتە ساخکرن.

تُتاح هذه الصورة أيضا في: کوردی