فهلاح موستهفا: پشتى رێفراندۆمێ كورد ژ جڤاكا نێڤدهولهتى بێ هیڤى بووینه
WAAR-دهۆك:
بهرپرسێ فهرمانگهها پهیوهندیێن دهرڤه یا حكومهتا ههرێما كوردستانێ راگههاند؛ پشتى رێفراندۆما سهرخوهبوونا كوردستانێ، گهلێ كوردستانێ چ هیڤى ب جڤاكا نێڤدهولهتى و ئێكهتییا ئهورۆپا نهماینه.
فهلاح موستهفایى بۆ مالپهرێ یۆراكتیڤ یێ سلۆڤاكى گۆت: دهما سهركرداتییا كوردستانێ بریارا رێفراندۆمێ داى، خواندنا ههموو ئهگهران هاتبوو كرن و وان پێشبینییا ههر كارڤهدانهكێ ژ حكومهتا ئیراقێ دكر، لێ ههلوهستێن جڤاكا نێڤدهولهتى جهێ حێبهتیێ بوون، ژبهركو رێفراندۆم پرۆسهیهكا تهمام دیموكراسى بوو، ههروهسا ههرێما كوردستانێ جهێ باوهرییا ههموو وهلاتێن دهڤهرێ و جیهانێ بوو و ههموویان ژى دزانى كو ههرێم ئێكسهر سهرخوهبوونا راناگههینیت بهلكو دهستپێكێ دێ دانوستاندنان كهت.
گۆت ژى: رێفراندۆم بۆ گهلی كوردستانێ گرنگترین پرسه و سهركرداتییا كوردستانێ دێ ب رژدى كار بۆ بجهئینانا ئهنجامێن وێ كهت و بلا گهلێ كوردستانی پشتراستبیت كو دهستبهردارى سهرخوهبوونێ نابن.
تُتاح هذه الصورة أيضا في: کوردی