رێكخراوەكا فەرەنسی بۆ هایداربوون لسەر رەوشا ئێزدیان سەرەدانا بنگەهێ لالش دكت
تۆرا لالش یا راگەهاندنێ/دهۆك
شاندەكی رێكخراوا میزۆبۆتامیا یا فەرەنسی،بۆ هایداربوون لسەر رەوشا ئێزدیان و كۆمكرن و ناسینا كەلتۆرێ ئێزدیان سەرەدانا دەستەیا بلندا بنگەهێ لالش ل دهۆكێ كر.
ل رێككەفتی 7حوزەیرانا 2018ێ شاندەكی رێكخراوا میزۆبۆتامیا یا فەرەنسی سەرەدانا دەستەیا بلندا بنگەهێ لالش ل دهۆكێ كر و ژبال بەرێز”شێخ شامۆ”سەرۆكێ بنگەهێ لالش و ئەندامێن بنگەهی ڤە هاتە پێشوازیكرن.
دسەرەدانێ دا بەرێز”باسكال ماكسیان”بەرپرسێ رێكخراوێ لگەل بەرێز”شێخ شامۆ” رەوشا ئێزدیان و رۆلێ مەزنێ بنگەهێ لالش دپاراستنا كەلتۆر و فلكلۆرێ ئێزدیان دا گۆتوبێژكرن.
دهەڤدیتنێ دا سەرۆكێ بنگەهێ لالش دووپات ل زۆری و چەوساندنێن مەزن یێن ئێزدی د درێاهیا دیرۆكێ دا تووش بووینێ ژ زنجیرەیا هەوێن قركرنا بكۆم كر،ئاماژەكر كو رەوشا ئێزدیان ئیرۆ دل ئێش و خرابە ل كەمپان دا و پشتگۆهاڤێتنا وان بەردەوامە ژبال حكومەتا عێراقێ ڤە وەل ئێزدیان كریە ژ رەوشا نهۆ بێ هیڤی بن و ئاریشێن وەلات تێرا دەرباز دبت و نە بجهئینانا ماددا 140ژ دەستووری،ئەو ماددەیە كو بجهئینانا وێ تاكە چارەیە بۆ ئاریشێن ئێزدی دڤان كاودانان دا دەرباز دبن.
ژلایەكی دی ڤە شێخی بەحسێ كارەساتا شنگال كر و هێرشا هۆڤانەیا خەلكێ شنگالێ تووش بووینێ ژبال رێكخستیا داعش یا تیرۆرستی و دەردەسەری و زەرەر ل ئێزدیان ل شنگالێ كەفت.
هەروەسا دسەرەدانێ دا بەرپرسێ رێكخراوا میزۆبۆتامیا هەڤدیتنەك لگەل بەرێز”شەمۆ قاسم”بەرپرسێ لژنا رەوشەنبیری ل بنگەهێ لالش كر و تێدا بەحسێ پاراستنا كەلتۆر و فلكلۆرێ ئێزدیان ژ نەمانێ و رۆلێ مەزنێ بنگەهی بۆ پاراستنا ڤی كەلتۆری كر.
ل داویا سەرەدانێ شاندی سوپاسیا بەرێز”شێخ شامۆ” و ئامادەبوویان كر بۆ بخێرهاتن و پێشوازیێ.
تُتاح هذه الصورة أيضا في: کوردی