سترانا شنگالێ بنیاتێ هۆنەرێ كوردی یە
تۆرا لالش یا راگەهاندنێ
سترانبێژەكی دەڤەرا شنگالێ دیاركر كو سترانا شنگالێ بنیاتێ هۆنەرێ كوردی یە،پێتڤیە پتر هاریكاریا هۆنەر و هۆنەرمەندان بێتە كرن،داكو خزمەتێ بكن و لسەر كارێ خۆ دبەردەوام بن.
سترانبێژێ گەنج(شاكر خودێدا) بۆ رۆژناما دەنگێ لالش دیاركر،هەر ژ زارۆكینیێ دا حەز ژ ستران گۆتنێ كریە و پاش كەفتمە دناڤ ژیانا هۆنەرێ ستران گۆتنێ دا،ل سالا(2013)ێ دگەل كۆما(14)ی تەباخێ یا هۆنەری كاركر و ئێكەمین ستران بناڤێ رۆژا رەش ب زمانێ كوردی و ئەرەبی لسەر كارەساتا گرعزێر و سیبا شێخ خدرێ چێكر،هەتا نهۆ پازدە ستران هەنە و پتریا وان لسەر ئێش و ئازارێن وەلاتی نە وستران بوویە پارچەك ژ لاشێ من،گۆتژی سترانا شنگالێ بنیاتێ هۆنەرێ كوردی یە،لەوا داخوازێ ژ هەموو جیێن شۆلەژێ دكەین سەندیكا هۆنەرمەندێن كوردستانێ ل دەڤەرا شنگالێ بێتە ڤەكرن،ژبەركو هەتا نهۆ هۆنەرمەندێن شنگالێ بتنێ ب ناڤ هۆنەرمەندن و چ ناسنامێن هۆنەری نینن،دخوازین پتر هاریكاریا هۆنەرێ دەڤەرێ بێتە كرن،داكو ئەم پتر بكارن ب رێیا هۆنەری خزمەتا خەلكێ خۆ بكەین.
شاكری دا زانین ژی سەرباری ڤان هەموو كاودان و نەخۆشیێن ژیانا ئاوارەیێ یێن تێدا دەرباز دبین،هێشتا لسەر گۆتنا سترانێ بەردەوامم و نكارم دەستان ژێ بەردەم و خەمێن وەلاتێ خۆ ب سترانێ ل بیرا خۆ دئینم.
تُتاح هذه الصورة أيضا في: کوردی