دوو کورتە فیلمێن کوردی ل فیستەڤالا کان هاتنە نمایشکرن

دوو کورتە فیلمێن کوردی ل فیستەڤالا کان هاتنە نمایشکرن

ئێن ئارتى

ئەڤرۆ ئێکشەمبی ٢٨ێ ئەیارا ٢٠١٧، د فیستەڤالا کان دا، فیلمێ ( PRISON) واتە زیندان ژ دەرهێنەرێ هاورێ مستەفا و فیلمێ LAST LINE PASSING واتە دوایێن دەربازبوون ژ نڤیسین و دەرهێنانا سەفین قانع هاتنە نمایشکرن.

فیلمێ LAST LINE PASSING ، ١٤ خولەکن و بەحسێ ژیانا رۆژانەیا مرۆڤ و روتینا ژیانی دکەت ب شێوەیەکی گشتی کو ب هاریکاریا وەزراەتا رەوشنبیری یا حکومەتا هەرێمێ هاتیە بەرهەمئینان.

فیلمێ( PRISON) ژی بەحسێ ژیانا دوو کەسان دکەت ل گرتیخانێ، کو ئێک ژوانا زیندانیە و ئەوێ دن ژی پاسەوانێ گرتیخانێ یە.

د چیرۆکا وی فیلمی دا ، ب وی رەنگی بەحسێ ژیانا وان دوو کەسان دکەت کو هەرچەندە ئێک ژوانا زیندانیە و ئەوێ دی ئازادە، لێ هەردوو ئێک چارەنڤیسێ هەڤبەش هەنە.

ئی ساڵ ل بەشێ هەڤرکییا خەلاتێ چلە خورمایا زێرین کو گرینگترین خەلاتێن وێ فیستەڤالێ نە، ١٩ فیلم هەڤرکیێ بۆ بدەسئینانا وێ خەلاتێ دکەن، لێ هیچ فیلمەکێ کوردی بەشداری نەکریە.

بریارە ژی ل دەمژمێر ٨:١٥ێ ئی شەڤ ب دەمێ کوردستانێ د رێورەسما داویا فیـستەڤالێ دا، ناڤێ فیلمێن سەرکەتی بێ راگەهاندن.
ئی سال فیستەڤالا کان ل ولاتێ فەرەنسا ل ژێر چاڤدێریەکا دژوارا ئەولەهیێ برێڤەدچیت کو ل ١٧ێ ڤێ مەهێ دەست پێکریە و ئەڤرۆ داوی بکارێ وێ دهێـتن.

تُتاح هذه الصورة أيضا في: کوردی