ڤەکۆلینەکا نوو: ڤەخوارنا قەھوێ دبیت ژیێ تە درێژتر بکەت
نوش نيوز:
ل گورەی ڤەکولینەکێ دیاربوو یە کو ئەو کەسێن ب شێوەکێ بەردەوام د ماوێ ١٠ سالان دا قەھوە ڤەخواری ژیەکێ درێژتر ھەبوو یە، ئەڤە دەنگ و باسەکێ خوش بوو بۆ حەز ژێکەرێن قەھوێ.
تیمەک ژ پەیمانگەھا ناڤخوی یا شێرپەنجێ ل بریتانیا رابون ب ئەنجام دانا ڤەکولینەکا مەزن یا جیناتا ب رێکا کومکرنا داتایان ژ خەلکی، پتری نیڤ ملیون کەسان بەشداری د ڤێ ڤەکولینێ دا کر ب رێکا پشکنین و دانا خوینێ و بەرسڤ دانا ئەو پرسیارێن ساخلەمی یێ.
ئەو تیمە ل دویڤ چوو کێ قەھوە ڤەدخوار، چەندی و چ جورێ قەھوێ، ل دویڤ دا ئەوان سەحکرە رێژا مرنێ پشتی ١٠ سالان ژ ڤەکولینێ.
پشتی دەرئەنجامان ئەوێ تیمێ راپورتەک بەلاڤکر، کو ئەو کەسێن قەھوە ڤەدخوار، نە یا گرنگ چەند یان چ جور ڤەدخوار، لێ ب شێوەکێ کێمتر ژ وان کەسێن کو قەھوە نە ڤەدخوار مری بون د ماوێ وان ١٠ سالان دا.
ژبەر کو قەھوێ گەلەک مفایێن باش بۆ ساخلەمیا لاشی ھەنە، وەک کێمکرنا ھەوکرنا د لاشی دا، دشێت ھاریکاریا کارێ جگەرێ بکەت، کێمکرنا مەترسیا نەخوشیا شەکرێ و نەخوشیێن دلی.
تُتاح هذه الصورة أيضا في: کوردی