بنگەهێ لالش 100قوتابیێن سەركەفتی ل كۆمەلگەها خانكێ خەلاتكرن
تۆرا لالش یا راگەهاندنێ
دوهی رۆژا شەمبوویێ 7تیرمەها 2018ێ،ل ژێر چاڤدێریا بەرێز”شێخ شامۆ”سەرۆكێ دەستەیا بلندا بنگەهێ لالش،100قوتابیێن سەركەفتی ل كۆمەلگەها خانكێ هاتنە خەلاتكرن.
ب ئامادەبوونا”شێخ شامۆ” سەرۆكێ دەستەیا بلندا بنگەهێ لالش و “عەبدولرەحیم حاجی” كارگێر و نوونەرێ لژنا ناوچا دوبان یا پارتی دیموكراتی كوردستان و مامۆستا و رەوشەنبیرێن كۆمەلگەهێ و قوتابی و كەس و كارێن قوتابیێن سەركەفتی،رێورەسمێن خەلاتكرنێ دەستپێكرن.
ل بەراهیێ وەك رێزگرتن بۆ گیانێ جانگۆریێن كورد و كوردستانێ و سەر كاروانێ وان بارزانیێ نەمر ئامادەبوویی خۆلەكەكێ سەكنین،ل دوڤدا پەیڤا بخیرئانینێ ژئالێ بنگەهێ لالش تایێ خانكێ ڤە هات پێشكێشكرن،پاشی “شێخ شامۆ” پەیڤەك پێشكێشكر و دەست خۆشی ل قوتابیێن سەركەفتی كرن وب درێژی بەحسێ رەوشا كوردستانێ و رۆلێ پەروەردێ دپێش ئێخستنا جڤاكی دا كر.
ژلایەكی دی ڤە وەك رێزلێنان بۆ خزمەت و پشتەڤانیا بنگەهێ لالش تایێ خانكێ مامۆستا “سلێمان خدر” نوونەرێ كارگێریا قوتابخانێن كۆمەلگەها خانكێ خەلاتەك پێشكێشی بنگەهی كر.
ل داویێ خەلات بسەر(100)قوتابیێن سەركەفتیێن ئێكێ لسەر ئاستێ پۆلێن(13)ێ یێن قوتابخانێن كۆمەلگەها خانكێ ژئالیێ بنگەهێ لالش ڤە هاتنە بەلاڤكرن.
تُتاح هذه الصورة أيضا في: کوردی