عهبادی 7 بڕیار ل سهر داخوازیێن خوهنیشاندهران دهرخستن
WAAR-دهۆك:
سهرۆكوهزیرێن ئیراقێ، د بهرسڤا داخوازایێن خوهنیشاندهرێن بهسرا دا، 7 بڕیار دهرخستن، ژ وان تهرخانكرنا پتری 3 ترلیۆن دیناران ژبۆ باشكرنا خزمهتگوزاریێن وێ پارێزگههێ، ههروهها ههلوهشاندنا جڤاتا كارگێری یا فرۆكهخانهیا نهجهف.
حهیدهر عهبادی، سهرۆكوهزیرێن ئیراقێ، د گهل نوونهرێن خوهنیشاندهر و سهرۆك هۆزێن پارێزگههێن ئیراقێ كۆمبوون، 7 بڕیار ل سهر داخوزیێن خوهنیشاندهران دهرخستن، ژ وان، تهرخانكرنا 3 ترلیۆن و 500 ملیار دیناران ژبۆ پارێزگهها بهسره، ههروهها دیاركرنا بودجهیهكا تایبهت بۆ شرینكرنا ئاڤا ڤهخوارنێ، بهرفرههكرنا پرۆژهیێن بهرههمهێنانێ د كهرتێن ئاڤاكرنا خواندنگههان و خزمهتگوزاریێن دی دا.
ههر ل گۆری بڕیارێن عهبادی، ههلوهشاندنا جڤاتا كارگێری یا فرۆكهخانهیا نهجهف، چارهكرنا كێشهیێن كهرتێ كارهبێ، دیسان زێدهكرنا ئاڤا پارێزگههێن بهسره، نهجهف، زیقار و دیوانییه كو د كهڤنه باشورێ ههردو رووبارێن دیجله و فورات، دیسان ڤهكرنا دهرگههێن دامهزراندنا فهرمانبهران وهك بزاڤهك ژ بۆ چارهكرنا قهیرانا بێكاریێ.
بڕیارێن عهبادی د دهمهكی دانه دهما ههفتییهكێ یه خوهنیشاندان ل چەندین پارێزگههێن ئیراقێ بهردهوامن و خوهنیشاندهر داخوازییا چاكسازی، باشكرنا خزمهتگوزاری و دادگههكرنا گهندهلكاران دكهن.
تُتاح هذه الصورة أيضا في: کوردی