بۆ جیهانێ یائاشکەرایە، کورد فاکتەرێ گەشەکرن و ئارامیێ نە ل رۆژهەلاتا ناڤین
دهۆک-KDP.info-
شرۆڤەکارەکێ سیاسى راگەهاند، ئەڤ کاودانێن ل عیراقێ رووددەن ب ئێکجارى دبهرژهوهندیا کوردستانیان دایە، هندى عیراق لاواز ببیت دێ کوردستان بهێز کەفیت و ب تایبەت پشتى وان فشارێن مەزن یێن ئەمریکا داناینە سەر دەولەتا ئیرانێ و دێ هەمى لایەنێن سیاسى ل عیراقێ نەچار بن جارەکا دى پەنایێ بۆ هەولێر بینن و داخوازا چارەسەریا گرفتێن سیاسى بکەن.
پشتى سەرهلدانا سالا 1991ێ و بڕیارا جڤاتا نێڤدەولەتى بۆ دانانا هێلا 36، دۆزا کوردى بەرەڤ قۆناغەکا دیتر دەرکەت کو ژ دەستێ ئەنجدێن هەرێمى و نافخۆیى دەرکەت و بو پرسەکا نێڤدەولەتى و سەرەدەرى دگەل کوردان هاتەکرن وەک نەتەوەیەک. بەدرخان زاویتەیى، شرۆڤەکارێ سیاسى و یاساناس بۆ مالپەرێ فەرمیێ پارتى دیموکراتى کوردستان گۆت:” ئەڤ گهورینێن ل دەڤەرێ پەیدا بووین جهێ نەرازیبوونا هندەک وەلاتێن دەردۆر بوویە، کو کیانەک ب ناڤێ کوردستان ل رۆژهەلاتا ناڤین هەبیت و ب تایبەت پشتى شەڕێ دژى تیرۆرستێن داعشێ هندەک دەولەتێن زلهێزو دەردۆر هەولدا پرسا کوردى ژناڤببەن و عیراقەکا دیموکراتى لگۆر بهرژهوهندیێن خۆ راگەهینن، بەلێ ل عیراقێ دستورەک هەبوویە و پێگەهێ کوردستانیان تێدا هاتیە پاراستن و چەسپاندن د چارچۆڤەیێ عیراقەکا فیدرالیدا، سەرەڕاى هندێ حکومەتا عیراقێ بەردەوام دژایەتیا حکومەتا هەرێما کوردستانێ کریە، بگرە ژ دۆرپێچکرنا ئابۆرى و بکارئینانا چەکى و لەشکەرێ عیراقێ دژى کوردستانێ و شەڕ ب هەرێمێ ڤرۆشت تا داعشى هاتیە دروستکرن و ئەڤ چەند دبهرژهوهندیا وەلاتێن دەردۆرو هندەک وەلاتێن باڵەدەستدا بوویە، بەلێ تا نوکە ڤان پیلانا سەرنەگرتیەو ئەڤێن دژایەتیا کوردستانیان دکرن، ئەڤرۆ نەچار بووینە پشتەڤانیێ ل هەرێما کوردستانێ بکەن”.
شرۆڤەکارێ سیاسى بەحسکر، پشتى پیلانا 16 ئێکتوبەرا 2017ێ، مەرەما وان نە بتنێ داگیرکرنا کەرکوکێ بوویە چ وەک ئیدارە یان دەرکەفتنا پێشمەرگەیى ژ وێ دەڤەرێ، بەلکو پیلانەک ب بەرنامە ل پێش وەخت هاتبوو دارێژتن کۆ هەولێر بهێتە داگیرکرن ژلایێ حکومەتا عیراقێ ب پشتەڤانیا پاسدارێن ئیرانى دا دەستهەلاتا شیعى ل دەڤەرێ زال ببیت و وەلاتێ بریتانیا ل پشت ڤێ ئێکێ بوویە و ب ئاشکەره سەربەخۆیا کوردستانێ ب مەترسى بۆ بریتانیا ل قەلەمدا، کو کۆمپانێن خۆ رەوانەیى کەرکوکێ کرن و ب ڕێکێن قەچاخ گازا دەڤەرێ ب ترێلا بۆ رەوانەیى بازارێن جیهانێ دکەن.
سەرکردایەتیا سیاسى ل هەرێما کوردستانێ و ب تایبەت سەرۆک (مەسعود بارزانى) شیان وان پیلانا ژناڤببەن و وان ڤشارێن لسەر هەرێما کوردستانێ لا بدەن و حکومەتا عیراقێ نەچار بکەن بهێتە لسەر مێزێن دان و ستاندنان و رێکەفتنێن نوو دگەل هەرێما کوردستانێ بکەن. وەک بەدرخان زاویتەیى زەلالکرى:” پشتى هەلبژارتنێن جڤاتا نوونەران ل عیراقێ و پشکداریا کێم یا خەلکى د هەلبژارتنان دا ب تایبەت ل ناڤەراست و باشورێ عیراقێ ژئەگەرێ نەرازیبوونا خەلکى ب دەستهەلاتا حوکمرانیا عیراقێ، ژبەر هندێ خوپیشاندان ل عیراقێ دروست بوون و ئەجندێن دەرەکى مفادار بووینە، ئەڤ کاودانە ب ئێکجارى دبهرژهوهندیا کوردستانیان دایە و هندى عیراق لاواز بیت دێ کورد بهێز کەفن و ب تایبەت پشتى وان فشارێن مەزن یێن ئەمریکا داناینە سەر دەولەتا ئیرانێ و دێ هەمى نەچار بن جارەکا دى پەنایێ بۆ هەولێر بینن و داخوازا چارەسەریا گرفتێن سیاسى کەن، دیسان بۆ جیهانێ ژى یائاشکەرایە کوردستان فاکتەرێ چارەسەرى و گەشەکرن و ئارامیێ یە ل رۆژهەلاتا ناڤین و بڤى رەنگى عراق دێ نەچار بیت ئەو دەڤەرێن داگیرکرین ب رێکەفتن رادەستى هەرێما کوردستانێ بکەن”.
یاساناسى ئاخفت: “ئیرانێ کارتێکرنەکا مەزن لسەر دەستهەلاتا عیراقێ هەیە و ئەگەر ئیرانێ دەست ل پشت خۆپیشاندانێن عیراقێ هەبیت و حوکمەتەکێ د بهرژهوهندیا ئیرانێدا دروست بکەن دێ ئەمریکا ڤێ پیلانێ لاوازکەت کو حکومەتا لاواز ل عیراقێ دروستکەت، ژبەر هندێ چ بەرنامەکێ سیاسى ل عیراقێ نائیتە بجهئینان بێ رازیبوونا کوردان، خەلکێ هەرێما کوردستانێ خۆ ل بەرامبەر هەمى قەیرانان گرت یێن دارایى و ئابوورى و هەبوونا شەڕى و ئەو بڕیارا وێرەکانە یاخەلکى بۆ پشکداریکرنێ دریفراندۆما سەربەخۆیا کوردستانێدا دایى و سەرکەفتن تومارکرى، ل ڤێرە کوردستانیان ئەرکێ خۆ بجهئینا و نوکە ئەرکێ هەرە مەزن کەفیتە سەر ملێن سەرکردایەتیا سیاسى ل هەرێمێ و بزانن دێ چەوا ئەنجامێن ریفراندۆمێ ئیننە پێش و بهرژهوهندیێن کوردستانێ پارێزن، جونکە کاودان دبهرژهوهندیا کوردان دایە”.
تُتاح هذه الصورة أيضا في: کوردی