حكومهتا عیراقێ 35 ملیار دینارێن كریستیانێن دهشتا نهینهوا خهرج نهكرن
باسنيوز:
ئهندامهكێ جڤاتا پارێزگهها مووسل راگههاند، حكومهتا عیراقێ بریار دابوو ل سهر بودجهیا سالا 2017 نێزیكى 35 ملیار دیناران تهرخان بكهت بۆ ئاڤهدانكرنا دێر و كهنیسهیێن كریستیانان و هژمارهكا جهێن پیرۆز یێن ئاینى، بهلێ ئهو پاره هێشتا نههاتیه خهرجكرن.
سهیدۆ چهتۆ، ئهندامێ ئهنجومهنێ پارێزگهها مووسل بۆ (باسنیوز) دیار كر، پشتى هاتنا تیرۆرستێن داعش ل سالا 2014 بۆ مووسل، پتریا كهنیسه و دێر و جهێن پیرۆز یێن كریستیان و كوردێن ئێزدى هاتنه ژناڤبرن، ژ بهر هندێ ژى بریار بوو حكومهتا عیراقێ د سالا بۆرى دا 35 ملیار دیناران خهرج بكهت بۆ ئاڤهدانكرنا وان جهێن پیرۆز یێن ئاینى، بهلێ ههتا نوكه ژى ئێك دینار ژ وى پارهى نههاتیه خهرجكرن.
ئاشكرا ژى كر كو ئهڤه نێزیكى دوو سالانه مووسل هاتیه رزگاركرن و هێشتا ئاڤهدانكرن تێدا نههاتیه كرن و جهێ داخێ یه كو ئهو جهێن هاتین دروست كرن ل دهرڤهى سهنتهرێ باژێرێ مووسل ژلایێ خێرخازان ڤه دووباره هاتینه ئاڤاكرن، بهلێ دناڤ سهنتهرى وهكو خوه ماینه چ كار بۆ دروست كرنا وان جهێن ئاینى نههاتیه كرن كو بهێنه ئاڤاكرن و د پلانا میزانیا مووسل دا ژى یا ئهڤ سال جهێن ئاینى تێدا دیار نهكرینه.
تُتاح هذه الصورة أيضا في: کوردی