مافێن مرۆڤی: پەکەکێ و حەشدا شەعبی زارۆک چەکدار کرینە
WAAR – دهۆک:
پەیڤدارێ دەستەیا سەربەخوەیا مافێن مرۆڤی ل ھەرێما کوردستانێ راگەھاند؛ پەکەکێ ل شنگال و قەلادزێ و حەشدا شەعبی ژی ل سنۆرێن کوردستانی ل دەڤەرا کەرکووکێ زاڕۆ چەکدار کرینە.
محەمەد گومەشینی بۆ مالپەرێ فەرمیێ پارتی گۆتییه: ل گۆری یاسایێن ئیراقێ و ھەرێما کوردستانێ بۆ چ ھێزەکا سیاسی و سەربازی نینە زارۆیێن کێمتر ژ ھەژدە سالیێ چەکدار بکەت، ئەگەر خوە ب خواستهیا وی ژی بیت.
ئاماژەکر ل گۆری ئاگەھیێن وان پارتییا کارکەرێن کوردستانێ پەکەکێ ل شنگال و قەلادزێ، ھەروەسا حەشدا شەعبی ژی ل دەڤەرێن کوردستانی ل کەرکووکێ زاڕۆ چەکدار کرینە.
پەیڤدارێ دەستەیا مافێن مرۆڤی گۆت ژی: دو مالباتان سکالا ل دژی پەکەکێ تۆمارکرینە و گۆتییە: پەکەکێ زارۆ ب زۆری برینە و چەکدار کرینە، دا زانین ژی کو چو ئامارێن دروست ل سەر ھەژمارا زاڕۆیێن ژ ئالیێ پەکەکێ ڤە ھاتین چەکدار کرن نینن.
تُتاح هذه الصورة أيضا في: کوردی