گوھۆرینێن سەقایی نەخۆشيێن گرێدایی ھەناسێ زێدە دکەن
نوش نيوز:
تایبەتمەندهكێ نەخۆشیێن دل و ھناڤان دیارکر کو دڤى وەرزێ سالێ دا ھندەک نەخۆشی پەيدا دبن ب تایبەتی ژی دانێ سپێدێ ھەتا بەر ب مەغرەب، دونیا یا خۆشە و دەمێ دبیتە شەڤ سەقا سار دبیت ژ بەر ڤێ چەندێ پتر نەخۆشیێن سینگی و میلاکێ پەيدا دبن، نوکە خەلک پتر تووشی نەخۆشيێن گرێدایی سینگی دبن.
د. لوقمان ئەمین ئەحمەد، تایبەتمەندێ نەخۆشیێن دل و ھناڤان دیارکر کو د گەل گوھوڕینا سەقایی وەلاتى تووشی پەرسیڤەکا دژوار و کولبوونا سینگی یا دژوار دبن و ئەو کەسێن بەری نوکە نەخۆشیێن دومدرێژ ھەین، رەوشا وان یا ساخلەمیێ خرابتر لێ دھێـت وەکو نەخۆشیێن رەبۆ و جگارەکێشانێ یێن بۆ ماوهیەکێ درێژ يێن کولبوونا ھەودانا ھەناسێ ھەین ئەڤە دەمێ تووشی سەرمایێ دبن پتر تووشی نەخۆشیان دبن.
ئاماژە دا وێ چەندێ ژی کو کەسێن ھەناسا وان سرۆشتی چو نەخۆشیێن دومدرێژ نەبن کێمتر تووشی نەخۆشيێن گرێدایی ھەناسێ دبن ژ کەسێن ھەلگرێن نەخۆشیێن دومدرێژ یێن گرێدایی ھەناسێ بن ئەو پتر تووشی نەخۆشیان دبن ل ڤی وەرزێ سالێ.
د. لوقمان ئەمین ئەحمەد ئاشکرا کر کو پێدڤیە د ڤى دەمێ سالێ دا وەلاتێ ئامێرێن تەزاندنێ گەلەک بکارنەئینن ب تایبەتی ژی ب شەڤ چونکو سەقا سار دبیت مرۆڤى ئاگەهـ ژ خوە نامینيت دەمی دنڤيت، دێ سپێدی ژ خەو رابیت دێ تووشی سەرمایێ بیت دێ نەخۆش بیت ب تایبەتی ژی کەسێن نەخۆشیێن دومدرێژ ھەین ب تایبەتی نەخۆشین گرێدایی سینگی پێدڤیە د گەل گوھوڕینا سەقایی پاراستنا خوە پتر بکەن چونکو پتر تووشی نەخۆشیان دبن و چارەسەریا وان ب زەحمەتر دبیت چونکو مێلاک ب دروستاھی کارێ خوە ئەنجام نادەن.
زێدەتر گۆت: دەمێ کولبوونەک دروست دبیت دێ شولێ ئەندامێ ھەناسێ پتر ئینيتە خوارێ، نەخۆش پتر تەنگاڤ دبیت بۆ نموونە کەسەکێ جگارا نهکێشيت دەمێ تووشی سینگ ئێشانێ دبیت بۆ دەمێ چەند رۆژان دێ ساخ بیت، بهلێ کەسێ دومدرێژ و جگارا دکێشن، دەمێ تووشی سینگ ئێشانێ دبن رەنگە ل نەخۆشخانێ بھێتە نڤاندن دبیت ھەتا ١٠ رۆژان ژی دبن چاڤدێریا نوشداران دا بن.
تُتاح هذه الصورة أيضا في: کوردی