پارتی: ڤێ ههفتیێ دێ دانوستاندنێن پێكئینانا حكومهتێ دهستپێكهن
WAAR-دهۆك:
بهرپرسێ پهیوهندیێن دهرڤه یێن پارتی دیموكراتی كوردستان راگههاند؛ دانوستاندنێن پێكئینانا حكومهتا نوو دێ دهستپێكهن و ل دوماهییا ڤێ حهفتیێ، پارتی و ئێكهتی دێ كۆم بن.
هشیار سیوهیلی، بهرپرسی پهیوهندیێن دهرڤه یێن پارتی راگههاند؛ پارتی بزاڤێ دكهت ب زووترین دهم، حكومهتا نوو یا ههرێمێ پێكبینیت و بۆ ڤێ یهكێ ژی، دێ دهست ب سهرهدانا ئالییێن سیاسی كهت و چاڤهرێیه دوماهییا ڤێ ههفتیێ، ئێكهم كۆمبوونا فهرمی یا پێكئینانا حكومهتا نوو، ل گهل ئێكهتییا نشتیمانی بیت.
گۆت ژی: پارتی دێ ل سهر دو بنهمایێن سهرهكی حكومهتێ پێكئینیت، كو ئیستیحقاقێ ههلبژارتنان و ههڤپشكییا راستهقینهیه و پێدڤییه ئالییێن پشكدار ئهزموونا بهرییا نها دووباره نهكهن و بهرگریێ ژ حكومهتا خوه بكهن.
دهربارهی دابهشكرنا پۆستان ژی، وی بهرپرسێ پارتی راگههاند؛ ئێدی دابهشكارییا پێنجی ب پێنجی نهما، نها پارتی چل و پێنج كورسی ههنه و ئێكهتیێ بیست و ئێك و ههر ئالیهك دێ ل گۆرهیی رێژهیا كورسیێن خوه، پۆستان وهرگریت.
تُتاح هذه الصورة أيضا في: کوردی