جڤاتا شنگال: دوو كەس ل بەغدا رەوشا شنگال تێكدەن
باسنيوز:
سەرۆكێ جڤاتا قەزا شنگال دیار كر: “پشتی دوڤچوون ب هووری ل سەر رەوشا شنگال هاتیە كرن بۆ مە ئاشكرابوویە دوو كەس ل بەغدا رەوشا شنگال تێكدەن و دۆسیەیا شنگال بۆ رەزقێ خوە بكاردئینن ئەو هەردوو كەس ئاستەنگ بۆ ئاسایكرنا رەوشا شنگال دروست دكەن”.
وەیس نایف، سەرۆكێ جڤاتا قەزا شنگال بۆ (باسنیوز) دیار كر: “دوو كەسێن سەر عەبادی ڤە ل بەغدا دۆسیەیا شنگال ئێخستبوونە بن دەستێ خوە دا وان هەر دوو كەسان رەوشا شنگال تێكدان. هەر دوو ژی عەرەبن و خەلكێ بەغدا نە. پشتی ئەڤە بۆ مە ئاشكرا بوویە مە بابەت گەهاندیە حكومەتا عێراقێ، ئەو كەس ئێدی مایتێكرنێ د كەیسا شنگالێ دا ل بەغدا نەكەن. ب هیچ شیوەیەكێ وان هەردوو كەسان دۆسیەیا شنگال كرینە دەرگەهێ رەزقێ خوە پێ ژیانا خوە رێڤەدبرن”.
خویا ژی كر: “پشتی ڤێ جارێ ئیدارا شنگال بۆ ئاسایكرنا رەوشا شنگال قەستا بەغدا كری مە گەلەك دەستكەڤتێن باش ئیناینە بۆ ئاساییكرنا رەوشا شنگال و سەرۆكێ پەرلەمانێ عێراقی گۆتیە سكالایێ تۆماربكەن وێ سكالایێ دەینە پەرلەمانێ عێراقی”.
تُتاح هذه الصورة أيضا في: کوردی