کچەک و زارۆیەکێ ئێزدێ ل سووریا ژ دەستێ داعشێ رزگار بوون

کچەک و زارۆیەکێ ئێزدێ ل سووریا ژ دەستێ داعشێ رزگار بوون
WAAR-دهۆك:

کچەک و زارۆیەکێ ئێزدێ ل سووریا ژ دەست رێکخستنا تیرۆرستی یا داعشێ رزگار بوون.
حسێن قائیدی، رێڤەبەرێ ئۆفیسا رزگاربوویان یا دھوکێ بۆ وار راگەھاند؛ کچەکا 22 سالی یا خەلکا گرعزێرێ و زارۆیەکێ دی یێ 7 سالی یێ خەلکێ گر قەسپێ کو ل 3ی مەھا تەباخا سالا 2014ێ ل شنگالێ ژ ئالییێ داعشێ ڤە ھاتبوون رەڤاندن، دوھی رزگار بووینە و گەھشتینە خزمێن خوە.
ھەروەھا گۆت: کارێن رزگارکرنا ئێزدییان ل سەر ئاستێ 3 وەلاتان ب سەرپەرشتییا نێچیرڤان بارزانی، سەرۆکوەزیرێ ھەرێما کوردستانێ بەردەوامە.
قائیدی داخواز ژ ھەموو ئالییان و رێکخستنێن جڤاکا سڤیل و خزمێن قوربانییان کر ھەر ئاگاهییه‌کا ل دۆر رەڤاندییێن ئێزدی و جھێ وان ھەبیت، ئۆفیسا وان ھایدار بکەن.

تُتاح هذه الصورة أيضا في: کوردی