70%ئێزدی هەژارن
تۆرا لالش یا راگەهاندنێ
چالاكڤانەكی ئێزدی ئاشكەراكر كو ل دەڤەر و جوگرافیا ئێزدیان كۆمپانی و كارگەهێن مەزن نەهاتینە ڤەكرن كو رێژەكا مەزن یا كرێكاران تێدا كار بكن،ئیرۆ هەژاری و بەلنگازی دناڤ جڤاكێ ئێزدی دا نێزیكی(70%)یە و بەرەف زێدەبوونێ یە.
چالاكڤانێ ئێزدی(كاوە عیدۆ خەتاری)بۆ رۆژناما دەنگێ لالش راگەهاند،پشتی هاتنا رێكخراوا داعش و قەیرانا دارایی یا هەرێما كوردستانێ ڤەگرتی و ئاوارەبوونا خەلكێ جڤاكێ ئێزدی گەلەك زەرەرمەند بوو،ئیرۆ رێژا هەژاریێ یا ناڤەند (65 بۆ 70%)یە و رێژا هەرا زۆر یا هەژاری و بەلنگازیێ دناڤ جڤاكێ ئێزدی دا نێزیكی(45%)یە و گۆت:(( ل دەڤەر و جوگرافیا ئێزدیان كۆمپانی و كارگەهێن مەزن نەهاتینە ڤەكرن كو رێژەكا مەزن یا كرێكاران تێدا كار بكن،پشت بەستنا ئێزدیان لسەر بەرهەمێ چاندنێ بووویە ئەڤە نێزیكی پێنج سالایە ئەو بەرهەم كێمبووی)).
خەتاری تەكەزكر هێش نێزیكی (80%)خەلكێ شنگال ئاوارەنە و ئەڤ ژیانا رۆژانە یا ئێزدی دبۆرینن دزڤرت بۆ بەرهەمێن چاندنێ و سەر مووچەی یە،داخوازێ ژ حكومەتا هەرێما كوردستانێ و ناڤەندی دكەین داكۆكیێ لسەر كەرتێ تایبەت بكن بۆ ئینانا كۆمپانی و كارگەهان بۆ دەڤەرێن ئێزدیا،داكو بتر كرێكار تێدا كار بكن.
تُتاح هذه الصورة أيضا في: کوردی