40 %وەلاتیێن گوندێ سرێچكا ئاڤا ڤەخوارنێ دكرن
تۆرا لالش یا راگەهاندنێ
ئەڤە ماوێ چەندین سالایە كێشا كێمیا ئاڤا ڤەخوارنێ ل گوندێ سرێچكا سەر ب ناوچەداریا ئەلقووشێ ڤە پەیدابووی،نێزیكی(40%)وەلاتیێن گوندی ئاڤێ ب (10) هەزار دیناران دكرن.
بەرپرسێ نڤیسینگەها لالش بنكەندی(غازی عەساف) بۆ رۆژناما دەنگێ لالش دیاركر، ل گوندێ سرێچكا چەند سیبایێن ئاڤێ هەنە و ئاڤا وان یا كێمە كو تێرا خەلكێ گوندی ناكەت و ئاڤا پرۆژەیێ مووسل بۆ گوندی نائێتە بەردان،هەروەسا كێشا كێمیا كارەبا نشتیمانی ژی هەیە دبتە ئەگەرێ هندێ سیبا كار ناكن كو ئاڤێ بدەنە وەلاتیان،لەوا نێزیكی(40%)وەلاتیێن گوندی ئاڤا ڤەخوارنێ ب رێیا تانكان دكرن و بۆ هەر تانكەكی(10)هەزار دیناران ددەن.
گۆتژی ئەڤە ماوێ چەندین سالایە كێشا كێمیا ئاڤا ڤەخوارنێ ل گوندێ سرێچكا پەیدابووی و هەتا نهۆ نەهاتیە چارەسەركرن،وەلاتیێن گوندی داخوازێ ل جیێن پەیوەندیدار دكن چارەیەكێ ل كێشا ئاڤێ بكن،چنكو وەرزێ هاڤینێ یە و خەلكێ پێتڤی ب ئاڤێ یا هەی.
تُتاح هذه الصورة أيضا في: کوردی