نایف سەیدۆ: ل سنوونێ گەلەك مین و پاشمایێن داعشێ ھەنە
باسنيوز:
رێڤەبەرێ ناحیا سنوونێ دیار كر گەلەك پاشمایێن تیرۆرستێن داعش ل سنوونێ هەبوون دەمێ پێشمەرگەهێ كوردستانێ سنوونێ رزگاركری ل وێ دەمێ ئیدارا شەرعی زڤریە دەڤەرێ دەست ب پاقژكرنێ كر. پشتی روودانێن 16 ئوكتوبەرێ جارەكا دی مە نەشیا ل سنوونێ خزمەتا خەلكێ خوە بكەن.
نایف سەیدۆ، رێڤەبەرێ ناحیا سنوونێ بۆ (باسنیوز) دیار كر: “پشتی تیرۆرستێن داعش ل سنوونێ نەمایی، ئیدارا شەرعی ل سنوونێ بوو لێ مە نەشیا بچنە خانەسۆرێ سەر سنوونێ. ل وێ دەمێ پەكەكە ل خانەسۆرێ بوون لێ پشتی 16 ئوكتوبەرێ رێك هاتە دان حەشدا شەعبی و سوپایێ عێراقێ بچنە خانەسۆرێ لەورا مە نەشیا ل وێ دەمێ ژی خزمەتا خەلكێ خوە بكەن. هەتا نۆكە ژی پاشمایێن تیرۆرستێن داعش ژ مین و تەقەمەنیان ل خانەسۆرێ و دەڤەرا سنوونێ ماینە. هەر چەندە رێكخراوا مینان هەڤكاری دكر چەندین پارچە راكرن”.
خویا ژی كر: “تیرۆرستێن داعش رێژەكا زۆر مین و تەقەمەنیان ل جه و دەڤەرێن جودا ل ناحیا سنوونێ داناینە. ئەز پیشبینی دكەم هەتا 10 سالێن بهێت ژی دێ مەترسیا مین و تەقەمەنیێن داعش لسەر وەلاتیان یا بەردەوام بیت”.
تُتاح هذه الصورة أيضا في: کوردی