بێریڤان
هاشم بۆزانی
كانێ توو بێریڤان
ئەز ل بەندا تەمە
و ئەزم شڤان
كەنگی دێ ئێی
ل ڤێ بەهارا رەنگین
ئەزم فەرهاد و تووی
شرین…
دێ وەرە مەیا دایە ئێك
باوەری و ئەڤین
دێ وەرە تاقەت نەما
خوناڤا دوو لێڤا دەرمانە
پێتڤی تەنە برین
دگەل كەزیێن خۆ توو ڤەهینە
نێرگزا
بێهنا بسكێن تە
ژ گول و هلال و نەسرین
ل هیڤیا تەمە بێریڤان
هاتنا تە خۆشیا
ژبۆ ئەشق و ڤیانێ
پور زێرینێ
برهو كڤانێ
دل ب هەستێ
شرین زمانێ
ل ڤێ بەهارێ
تووی گولا ناڤ
كولیلكێن نیسانێ
ئیرۆ ئەز چاڤەرێ تەمە
ڤێ سپێدێ ماچێن من دێ بنە
خوناڤ و سەر روكێن تەنە
تُتاح هذه الصورة أيضا في: کوردی