کەنگی پارە دێ ژ بەغدایێ گەهیتە کوردستانێ؟
خانى نيوز:
پشتی پەسەندکرنا بۆدجەیێ ئیراقێ؛ خەلک چاڤەڕێ هاتنا بۆدجەیە ژ بەغدا، بوویە مژارەکە سەرەکی د ناڤ ڕایا گشتییا خەلکێ دا، ئەندامەکی پەرلەمانێ ئیراقێ ژی بۆ خانی نیوز هویرکاتییان ددەتە دیارکرن.
هندرین لەزگین دۆسکی، تایبەت بۆ خانی نیوز، ددەتە دیارکرن، پشتی پەسەندکرنا بۆدجەیی ڕاستە خەلک چاڤەڕێی هاتنا وی پارەیە کا دێ کەنگی گەهیت، بەلێ هەردوو حکومەتان هندەک لژنهیێن پچووک پێکئیناینە بۆ هویرکاتیێن هۆنەری دناڤبەرا وەزارەتێن ئیراق و هەرێما کوردستانێ دا هەر چی کارێ وان ب دووماهیک هات بۆدجە ژی دێ گەهیت.
دۆسکی ئاماژەدا، پرۆژە بۆدجەیێ ساڵا ٢٠٢١ـی وەک هیچ پرۆژەیان نەبووییە، خاڵەک لێ هاتییە زێدەکرن، ئەوژی کو هەر رۆژا بۆدجە بهێتە پەسەندکرن ژ وێ رۆژێ دا دێ کەفتە د بیاڤێ جێبەجێکرنێ دا، و دێ ل سەرۆکاتییا کۆمار ژی هێتە پەسەندکرن، و بۆدجەیی هیچ ئاستەنگییەک نەماییە.
ناڤهاتی دا دیارکرن ژی، ژ رۆژا بۆدجە هاتییە پەسەندکرن، بۆدجە کەفتییە دوارێ جێبەجێکرنێ دا، هەتا کارێن هونەری یێن لژنەیان تەمام بیت و بۆدجە دێ هێتە ڕەوانەکرن، و د ماوەیەکی نێزیک دا ئەو کار ژی هێتە تەمامکرن.
دۆسکی ئاماژەدا، پرۆژە بۆدجە دێ ژ هەیڤا ئیک یا ئەڤساڵە بیت، و ب ئێک پاکێج بیت.
تُتاح هذه الصورة أيضا في: کوردی