سه‌رۆك نێچيرڤان بارزانى سه‌رسالا ئێزدييان پيرۆز دكه‌ت
جه‌ژنا سه‌رسالێ (چارشه‌مبوا سۆر) ل هه‌موو خوشك و برايێن مه يێن ئێزدى ل كوردستانێ و جيهانێ، پيرۆز دكه‌م. پيرۆزباهييه‌ك تايبه‌ت ژبۆ كه‌سوكارێن قوربانى يێن تيرۆرێ و يێن هه‌تا نها د كا‌مپاندا ژيانا خوه ده‌رباز دكه‌ن. ب هێڤييا كو جه‌ژن و بيرهاتنێن بێن، د ڕه‌وشه‌كا باشتردا ل مه ڤه‌گه‌ڕن.
ئيسال ژى ديسا جه‌ژن د ده‌مه‌كێدايه كو ته‌ڤى هه‌موو جيهانێ، كوردستان ژى ژ ده‌ستێ كۆڤيد_19ێ دناليت، هێڤيدرام هه‌ركه‌س پێگرى ڕێكارێن ته‌ندروستى و خۆپارێزيێ بن. مخابن ته‌ڤى ڕه‌وشا گرانا ژيانا كامپان، هێشتا چاره‌نڤيسا بێترى دو هزار خوشك و برايێن مه يێن ئێزدى يێن ڕه‌ڤاندى ژى نه‌دياره.
ئه‌م ديسا هه‌موو ئێزدييان پشتڕاست دكه‌ين هه‌تا دووماهيێ و هندى ئێزدييه‌ك ڕه‌ڤاندى مابيت، ئه‌م دێ ل په‌ى چاره‌نڤيسێ وان بين و چ پێويسته ژبۆ ڕزگاركرنا وان، ئه‌م ئاماده و به‌رده‌وامين. هه‌روه‌سا هه‌ولێن مه ژبۆ ئاڤه‌دانكرنا ده‌ڤه‌رێن ئێزدييان و بپارێزگه‌هكرنا شه‌نگالێ دگه‌ڵ حكوومه‌تا فيدرالا عيراقێ دێ به‌رده‌وام بن.
سه‌رسالا وه هه‌موويان پيرۆز، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
13/4/2021
تُتاح هذه الصورة أيضا في: کوردی