دژە تیرۆرا کوردستانێ دەسته‌سه‌رنا تاوانباره‌كى راگەهاند
باسنيوز:
بەڕێوەبەرایەتی گشتیی دژەتیرۆری کوردستان دەستگیرکردنی تاوانبارێکی راگەیاند کە ناو و پێگەی ئەفسەری دژەتیرۆری کوردستانی بۆ مەرامی تایبەت بەکارهێناوە.
بەپێی راگەیاندراوێکی دژەتیرۆری کوردستان کە کۆپپییەکی بە (باسنیوز) گەیشتووە و تێیدا هاتووە: “دوای بەدەستهێنانی زانیاریی ورد لەسەر تاوانبار (ڕێوان ئەکرەم ئەحمەد)، بەڕێوەبەرایەتییەکەمان بە هاوکاری و ھەماھەنگی بەڕێوەبەرایەتی پۆلیسی هەولێر توانییان ناوبراو دەستگیر بکەن”.
ئاماژە بەوەش دراوە، “پاش لێکۆڵینەوە لەگەڵی، تاوانبار دانی بە تاوانەکانیدا نا، کە ناو و پێگەی ئەفسەری دژەتیرۆری کوردستان و چەند کونسوڵخانەیەکی وڵاتانی بەکارهێناوە بە مەبەستی ساختەکاری و فێڵکردن بۆ بەدەستهێنانی دەستکەوتی ماددی و گەیشتن بە مەرامە تایبەتەکانی”.
هەروەها دژەتیرۆری کوردستان ئەوەشی خستووەتە روو، “دەزگا ئەمنییەکانی حکوومەتی هەرێمی کوردستان، دڵنیایی دەدەنە هاونیشتمانیان و هەموو لایەک، کە ئەرکیان پاراستنی ئاسایش و ئارامی و سەروماڵی هاووڵاتییان و دەستگیرکردنی تاوانبارانە و ڕادەستکردنیانە بە دادگا لەپێناو هێنانەدی دادپەروەری، بۆ بەجێگەیاندنی ئەو ئەرکە پیرۆزەش هەردەم چاوکراوەن”.
تُتاح هذه الصورة أيضا في: کوردی