ژێكڤەبوون ئەگەر و چارەسەری
عزەت برۆ
ژێكڤەبوون دیاردەیەكا جڤاكی یە ب مەترسیە و رەه و ریشالێن وێ دگەهنە لسەردەمێن كەڤن و دناڤا هەموو جڤاكان دا هەیە،لێ ژ جڤاكەكی بۆ جڤاكەكێ رێژێن جیاواز هەنە و دبتە ئەگەرێ تێكچۆن و هەلوەشاندنا بنەمایێن خێزانێ و دروستبوونا كەرب و كینێ دناڤ خێزانێ دا.
بێگۆمان ژێكڤەبوونێ چەندین ئەگەر هەنە هەتا كو بگەهتە ئاستێ ژێكڤەبوونێ وەكو هەژاری و نەبوونا دراڤی بۆ دابینكرنا پێتڤیێن ژیانێ یێن رۆژانە نەبوونا دەلیڤێن كاری،هەتا كو بەردەوامیێ ب پرۆسێسا هەڤژینیێ بدەن و ژیانەكا بەختەوەر پێكبینن،هەروەسا ژنئینان یان شووكرنا ب زۆری ئێكە ژ ئەگەرێ ژێكڤەبوونێ و ل دەمێ ژن یان زەلام فێری هندەك رەوشتێن خراب دبت وەكو قۆپیایێ و مەی ڤەخوارنێ و كرنا قەران،هەروەسا دڤێت دماوەیێ دەستگیریێ دا كچ و كور بتر شارەزای كەسایەتی و رەفتارێن ئێكودوو ببن.
دیسان مایتێكرنا كەسانێن دەوروبەر دڤێت خێزان یا یەكگرتی بت و نەهێلت كەس مایتێكرنێ د ژیانا وان دا بكت،دیسان هندەك ئەگەرێن دەروونی ژی هەنە دبنە ئەگەرێ ژێكڤەبوونێ وەك نە شارەزایا جۆرێ كەسایەتی،چنكو هندەك كەسایەتی هەنە سەرەدەری دگەل وان یا ب زەحمەتە وەك كەسێ واسواس و تێكچۆنا رەفتاری و نێركزی (حب الژات) و دژی جڤاكی چنكو ئەڤ جۆرە كەسە خودان ئاخفتنێت حشك و خەبەر بێژ و گۆمانا وی و توندوتیژن،هەروەسا خودان هەلگرێت نەخۆشیێن دەروونی نە وەك نەخۆشیا شێزوفرینیا و ترسێ و خەمۆكیێ ئەڤ چەندە ژی دبتە ئەگەر كو نكارن بەردەوام بن لسەر ژیانا هەڤژینیێ،نەبوونا سەرەدەریەكا جوان و رێزنەگرتن و هەڤ قەبوول نەكرن دبتە ئەگەرێ ژێكڤەبوونێ.
هندەك شیرەت و راسپاردە هەنە كو هەر كەسەكێ ژیانا هەڤژینیێ پێك دئینت دڤێت ئەڤان خالان لبەرچاڤ وەربگرت:
– دڤێت كچ و كور د قۆناغا دەستگیریێ دا باش ئێكودووناس بكن و كەسایەتیا هەڤ ناس بكن،داكو سەرەدەریەكا باش دگەل ئێكودوو بكن.
– رێ نەدەن كەسانێن دی مایتێكرنێ دژیانا وان دا بكن.
– نهێنیێن خێزانێ بێنە پاراستن.
– دڤێت تەمەن و رەوشەنبیریا كچ و كورا تا ئاستەكی یە نێزیكی ئێكودو بت.
– پێتڤیە رێ نەئێتە دان ب ژنئینان یان شووكرنا ب زۆری.
– پێتڤیە كچ و كور ژ بەر لایەنێ ئابووری ژیانا هەڤژینیێ پێك نە ئینن ،چنكو هەڤژینی گرێدایی لایەنێ روحی و دەروونی یە.
تُتاح هذه الصورة أيضا في: کوردی