“یەبەشە رێ نادهت گەنجهكێ رزگاركرى یێ ئێزدى ڤهگهریته دهۆکێ”
گاڤ نیوز:
گەنجهكێ ئێزدیێ ل کەمپا هولێ هاتیە دیتن و رزگارکرن نوكه ل حەسەکێ یە، کەس و کارێن وى بزاڤا ئینانا وى بۆ هەرێمێ دکەن، لێ یەبەشە رێ نادهت.
ل ١٨ ى ڤێ ههیڤێ گەنجەکێ ئێزدى ب ناڤێ ئەردەوان محسن ژ کەمپا هولێ هاتبوو رزگارکرن بڕیاربوو ب زویترین دەم بهێتە دەربازکرن بۆ هەرێما کوردستانێ، لێ هەتا نوكه رێ ب هاتنا وى نەهاتییە دان.
بەرجەس خدر سەبرى، خالێ وى گەنجى بۆ گاڤ نیوز دا زانین، نوكه ئەو ل مالا ئێزدییان ل حەسەکێ دگەل خوارزایێ خۆ ئەردەوانى یە، هەرچەند رێڤەبەرییا خوەسەر رازى یە ب رێکا دەرگەهێ سێمالکا دەربازى هەرێما کوردستانێ ببن، لێ یەکینەیێن بهرخۆدانا شنگالێ یەبەشە قەبویل ناکەت.
بەرجەس خدرى دیارکر ژى، یەبەشێ ل شنگالێ مالا ئێزدییان ئاگەهدار کرى یە، كو گەنجێ رزگارکرى بتنێ بۆ شنگالێ بهێتە هنارتن و خالێ وى دگەل نەچیت و ئەو دێ ب رێکا خۆ رادەستى کەس و کاران کەن. دا زانین ژى ئەو دترسن ئەگەر رادەستى یەبەشێ بکەن بکەنە ئێک ژ رێکخستیێن خۆ و رادەستى مالباتا وى نەکەن.
دا زانین ژى، ئەگەر هەتا چارشەمبا بهێت ئەردەوان رادەستى یەبەشێ نەهێتە کرن، دێ بزاڤێ كهن ب رێکا سێمالکا خۆ بگههیننه دهۆكێ.
تُتاح هذه الصورة أيضا في: کوردی