بنگەهێ لالش:بەدیلێ كوردستانێ مە نینە
تۆرا لالش یا راگەهاندنێ
بەرپرسێ بنگەهێ لالش ل شنگال راگەهاند،خەلكێ شنگالێ دگەل ئەنجام دانا پرۆسا ریفراندۆما سەربەخۆیا هەرێمێ نە،چنكو بەدیلێ كوردستانێ مە نینە و دێ ژ فەرمان و جینۆسایدا قورتال بین.
خشو میرزا،بۆ دەنگێ لالش خویاكر،ل رۆژا 25/9پتریا خەلكێ شنگالێ دێ چنە سەر سندۆقێن دەنگدانێ و دەنگێ خۆ ب بەلێ دەن بۆ پرۆسا ریفراندۆم و سەربەخۆیا كوردستانێ،ژبەركو ئەم جارەكا دی نكارن گەل جیرانێن خۆ یێن ئەرەب دا بژین ئەو قۆناغە دەربازبوو ئەم دێ چاوان سەرەدانا مووسل و تەلەعفەر و دەوروبەرین خۆ كەین هەموو ئەرەبن ئەو كچ و خوشك و گرتیێن مە د دەستی وان دا و هەموو بوونە داعش و یێ نەبوویە داعش ژی پشتەڤانی كریە،دووپاتكر ژی خەلكێ شنگالێ دگەل ئەنجام دانا ریفراندۆمێ یە،چنكو بەدیلێ كوردستانێ مە نینە،ئەگەر كوردستان بوو دەولەت ژ رێژا هەتا 15%دێ بینە ژ وەلاتیێن هەرێمێ،هنگی دێ مە وەزیر و پەرلەمانتار و هەموو نوونەرێن خۆ د دام و دەزگەهێن حكوومی و ئیداری دا هەبت.
تەكەزكر پەیاما من بۆخەلكێ شنگالێ ئەوە ئەم هەموو ببن ئێك دەست و دەنگ و پێكڤە دەنگێ خۆ بدەین و بێژین بەلێ بۆ دەولەتبوونا كوردستانی، كو مافێ هەموو پێكهاتا دێ تێدا ئێتە پاراستن و دێ قورتال بین ژ فەرمان و جینۆسایدو ئەرەبان.
تُتاح هذه الصورة أيضا في: کوردی