پەرلەمانتارەكێ كورد:پێتڤیە هەموو پێكهات وئۆل پشتەڤانیا سەربەخۆبوونێ بكن بۆ دەولەتبوونا كوردستانێ
تۆرا لالش یا راگەهاندنێ
پەرلەمانتارێ كورد و ئەندامێ پەرلەمانێ بەرێ یێ عێراقێ(د.حەمید باڤی)دیاركر،پێتڤیە هەموو پێكهات وئۆلێن كوردستانێ پشتەڤانیا سەربەخۆبوونا كوردستانێ بكن و پشكداربن دڤێ پرۆسێسا پیرۆزا شەرعی و نیشتیمانی دا بۆ دەولەتبوونا كوردستانێ،كو پێكڤە ملێ خۆ بدەنە بەر بارێ دەولەتێ و بەرەڤانیێ لێ بكن و بەرژەوەندیێن مللەتی یێن گشتی بپارێزن.
باڤی بۆ رۆژناما دەنگێ لالش راگەهاند،پێكڤەژیان ل كوردستانێ د ئاستەكێ باشدایە،نهۆ چەندین پێكهاتەیێن نەتەوەی ل كوردستانێ دژین وەكو كورد و ئەرەب و توركمان و كلدان و ئاشوری و ئەرمەنا و چەندین پێكهاتەیێن جێوازێن ئۆلی ژی هەنە،كو كوردستان ژ چەندین تەخ و چین و پێكهاتەیێن جودا و ئارام پێك دئێت كو ژ هەر پارچەكا عێراقێ خەلك قەستا هەرێمێ دكەتن،كو ب رەنگەكێ ئاشتیانە ژیانا خۆ ل هەرێمێ دبەنە سەری،ئەڤە هەموو بەلگەیە بۆ هەبوونا هزروبیرێن ڤەكری ل كوردستانێ و قەبوولكرنا كەسێ بەرامبەر،دڤێت هەردەم ڤێ پێكڤەژیانێ راگرین،دا هەموو پێكڤە پشتەڤانیا سەربەخۆبوونا كوردستانێ بكن و پشكداربن دڤێ پرۆسێسا پیرۆزا شەرعی و نیشتیمانی دا بۆ دەولەتبوونا كوردستانێ و گەلەك گرنگە هەموو پێكهاتەیێن ئۆلی و نەتەوەی و مەزهەبی و جڤاكی یێن جودا هەست ب ئێمناهیێ و دابینكرنا مافێن خۆ یێن رەوا بكن ب یاسا و كریارو هەموو پێكڤە ملێ خۆ بدەنە بەر بارێ دەولەتێ و بەرەڤانیێ لێ بكن و بەرژەوەندیێن مللەتی یێن گشتی بپارێزن وگۆت:(( پێتڤیە ئەڤ پێكڤەژیانە پتر بێتە خورتكرن و موكمكرن نەخاسمە دڤێ قوناغێ دا،كو بەحس ل سەربەخۆبوونێ دئێتەكرن،ژبەر ڤێ چەندێ پێكڤەژیان یا گرنگە داكو داگیركەر چ جارا نكارن زیان و زەرەرێ بگەهیننە جڤاكێ كوردی و پێكهاتەیێن وێ،چنكو داگیركەر هەموو دەما دێ بزاڤێ كت سەربەخۆبوونا كوردستانێ پەید انەبت و دەولەتا كوردستانێ نێتە راگەهاندن)).
ناڤهاتی تەكەز كر كو پێكڤەژیان د دەولەتا كوردستانێ دا بهێزتر لێ بێت،دڤێت دەستهەلات و دەولەت مافێن رەوا بۆ هەموو تاك و پێكهاتەیان دابین بكت.
تُتاح هذه الصورة أيضا في: کوردی